القلب من كثر الهواجيس قـــزان

ما يستريح من الدهر ربع ســــــاعه

يا غافر الزّله يا وال الاحســــــان

تجعل من التقوى لنفسي بضــــــاعه

أنا على لانٍ0 وربعي على لان

متخالفٍ رايي وراي الجمــــــاعه

ونا ولد عليٍ نضايض كحيــــــلان

الله خلقني للسبايا وداعــــــه

ماني هتيميٍ يربّتْ من الضــــــان

ويعطي لطلاب الحنايا رقــــــاعه

عيبٍ على اللي ينثني عقب ما بــــــان

ويرضى بوطي النفس عقب إرتفــــــاعه

الناس ما تسقيك لا صرت عطشــــــان

ولا يشرب المضمي سـوى من ذراعــــــه

إضرب على الكايد إلى صرت بلشــــــان

وعند الولي وصل الرشا وانقطــــــاعه

إما تجيب عقود لولو ومرجــــــان

والا فهي لابليس طار بشعـــــاعه

طرابة الدنيا مع الفجر دخّــــــان

وكرارةٍ باطراف خطْو الصّعــــــاعه

الأمير الفارس / عبيد العلي الرشــــــيد **0 يرحمه الله