مصــــافحه اولى
نص لمحـــــــمد النفيعي
العسكري ( زينب) و الجندي ( ناديه )..!
(1)
وش آخر نغمه للجوال..
وش أقوى نوع في الإرسال..
تشجع نصر ولاّهلال..؟!
وش آخر مانتجت "هوليود" من أفلام..
وتسريحة شعر "بيكام"
وش آخر مانزل
فـــــــــــالسوق ..من برفان..؟!
و آخر موضه لـــــــــ"الكلسون"
مخطّط ..أو ..حبل عريان..؟!
وأيييييييييش اللون..
سماوي.. قرمزي.. أو..موف
وأووووووووف ...وأووووووووووف
أوووووووووف و...أووووووووووف
يـــــــــــا"جورج وسوف"..!
بسرعه ياخي نبغا نشوف..!!
(2)
..وقبل الحسّ يتجمد
دخيلك قووووووول :
وش آخر أغنيه لـــــــ"أحلام"
وآخر جلسه لــــــــ"محمّد"
صح النوم..
صح النوم..
صح النوم..
بتسأل عن خبر بايت..
"أصاله" طلّعت ألبوم..!
(3)
ياأُمّه...يا(غثاء) السيل.
ياأُمّه..يا(ثغاء) العنز..
بدلة جنز..
حبل فـــــ جزمة المارينز..
آوادم همّها تأكل..
من (الطازج )
وتركب بنز
ياأُمّه (جيشها) يصرخ :
ولاقبلي....ولابعدي
مادام (العسكري) زينب..
و.....معاها ناديه (الجندي)..!
(4)
ياأُمّه..
لاالولد طالع لآبوه..
ولاطلع لامّه
سهر..كوره..بلوت ..أفلام.
ولاكنّه على باله...ولاهمّه
ولو تقطع بوجهه عرق
أبد ماينتثر دمّه..!
(5)
ياأُمّه..
و"القمر عالباب"..قولي لي:
كم نجم(شباك) فـــــ"الحفله"..
كم صنم(بكّاش) نهتف له
وكم فرعووووووووون
من يجلس نوقّف له...؟
وكم هامان..
كم ساحر..
واحنا من غفله نقوم
ونرقد فـــــــ غفله..!
(6)
ياأُمّه..
ليش لاحبّك مواطن
تشتمين آبو آبوه
وتلعنين أمّه..؟!
وليش الثوب تحت الكعب..
ولاقّصر من طرف كمّه..؟!
وليش بذمتك صارت
ماعاد لها ولاذمّه...؟!
وليش ..وليش..
ليش ...و...ليش
أو تدري:
وراي عيال بربّيهم
وباكل عيش..!
(7)
يا*** و..رووووووح
و..رح يا***.
بلا أمّه ..بلا بطيخ
حرام الكذب ياتاريخ
ياعمّي روح..
ولابعدك ياروحي ..روح
بردّد مع "مخاوي الليل"
معك.."خذني بقايا جروح"
|
|
|
تواصل معنا
إعلانات نصية
الخصوصية
المفضلات