جديد القصايد
لا تسأليني عن جديد القصايد
كل القصايد في حضورك جديده
انا اشهد اني فالشعر ما تكايد
لا صرتي المعنى لشعري وحيده
شعرا اقوله تلبسينه قلايد
ما همني إلا انتي تكوني سعيده
يا فيض قلب ولوّعته الشدايد
في كل أزمات المحبة شديده
لا تسأليني فالشعر لي عوايد
كله جديد ولك قديمي ما اعيده
أجمل قصيدة عشق هالفكر صايد
وما كل شاعر بحر شعري يجيده
بين الهجوس وبين فكري مزايد
روح التحدي في جمالك قصيده
يا غايتي والشوق في القلب زايد
واشرح لك الأشواق لوك بعيده
يا بنت تمنعنا ظروف وعوايد
ولا كل ريم لا عشقته تصيده
يا بنت فينا الشعر يا بنت جايد
ضيم الهوى وآلام بعدك فريده
وكانه نساك القلب تشهد بدايد
نذر ٍ علي لا قطعه من وريده
لا تسأليني وش جديد القصايد
أنتي قصيدي وأنتي اللي جديده
عبدالعزيز السبيعي
|
|
|
رد مع اقتباس
تواصل معنا
إعلانات نصية
الخصوصية
المفضلات