( يا بوي ) رسالة وفاء
رســالــة وفــاء
يا بوي أنا ابنك ولوحه من تلاوينك ..... أفرح لفرحك وما بكاك يبكيني
يابوي عمري تبسم من شقا سنينك ..... تحرق حياتك لخاطر تضوي سنيني
ما أقدر أوفي جمايل فضلك ودينك ..... مهما عطيتك أرى دنياك تعطيني
يرحل ودادي يدور عن عناوينك ..... يلقاك عندي وساكن وسط عيني
أعطش وتسقي حياتي من شرايينك ..... أبرد وقلبكمن احساسه يدفيني
واخطي وألاقي قساوة خوفك بعينك ..... نظره وحيده من عيونك تكفيني
لو عشت أقبل جبينك واشكر يدينك ..... ما أوفيك حقك ولا بوفي لك بديني
يا بوي دايم دعاي (الله لا يهينك) ..... يا من غرست المحبه والوفا فيني
للشاعر / علي الخــــــوار - الإمارات
|
|
|
رد مع اقتباس
تواصل معنا
إعلانات نصية
الخصوصية
المفضلات