الرحمة ارجوكم مساعده الامر هام
والله عندي مشكلة ومو عارفه وين اطرحه او مع مين اناقشها وحطيتها هنا ارجو منكم مساعدتي
مشكلتي اني مو واثقة من نفسي واحس ان الحظ دايم ضدي اروح يمين يروح يسار تعبت من الدنيا ومليت الهم تعبني كل يوم قبل انام افكر وابكي الكل يقول لي اني متشائمة على فكره انا عمري 25 سنة وعازبه او مضربه عن ال**** بسبب كثرة مااسمع عن المشاكل الزوجية ويكفي برنامج سيرة الحب احس انه يعرض الجانب السلبي لل**** ودايم يتكلم عن الخيانه وكان الرجال بس هو الي يغلط والنساء معصومات من الغلط بصراحة لوع كبدي هذا البرنامج على اساس انه يوعي بس هو بالنسبة لي العكس
عشان اضربت عن ال**** لاني اشوف واسمع ما يكفي ..
واكبر هم هم الوظيفة تعبت وانا اور على وظيفة ومن دون فايدة اصلا ليش ندرس ونتعب على الفاضي احس ان بلدي مو جدير بالعطاء هو تارك ابناءه وجالس يستقدم الاجانب ويسلمونهم مناصب عالية وحنا
ولا شي واذا الشباب انحرف قالوا ليه طيب شنو نعمل وكيف نقضي وقتنا في هذا المجتمع الصعب خصوصا مثل بلدي الممنوعات اكثر من المسموح
والله لو الود ودي اهاجر اي دوله تقدر الناس روح شوف امريكا لو الواحد عنده اختراع بسيط يدعمونه ويحطونه فوق راسهم ومايظل شي ما يعطونه بعكس هنا لو تجلس تكرف مليون سنة وربي الواحد ما يطلع بشي ... وبعدين يقولون ان حنا ما نعمل ولا نفكر وكل ما نروح مكان سدوها في وجهنا
ما دام ما عندك وسطه لا تحلم تشتغل ولا الخبرة خمس سنين هذا على الاقل طيب انا شنو اعمل اذا كنت توني متخرجة ما يكفي هذي الاكاديمية الي سرقت فلوسنا وفي الاخير اكثر من اربع اشهر ولا عطتنا شهادة بس شاطره تملي الصحف اعلانات ((( اكاديمية التعلم)))
وهي اصلا((( اكاديمية النهب والسرقه))) هذا غير التدريس الزفت والنظام كل وحده تطلع وتدخل على حل شعرها اكثر من 25 الف دراسة ومن دون شهادة والله حرام وظلم........
والكل يفكر ان شعب ابو متعب متنعم ومرتاح وما يدرون انهم جد تعبانين من البطالة والهم انا مو قصدي اقول شي عن ابو متعب لانه فوق راسي واعرف شنو يعمل وكيف من جد يتعب ويطور انا اقصد اصحاب الشركات طيب حنا شنو ذنبنا اذا انولدنا وما في في فمنا ملعقة ذهب او عندنا واسطة
وقسم برب الكون ان اختي راحت تسجل في الديوان وعندها خبرها اربع سنوات ولما راحت قالوا لها مافي تسجيل على بند محو الامية وهي واقفه جت وحده وقالت انها من طرف وحده وانه جاية عشان تقدم على وظيفة خذوها على طول واختي المسكينة تطالع يعني هذا ظلم ولا مو ظلم كل هذا الواسطة تعمل من وين انا اجيب 25 الف عشان احد يتوسط لي اسرق يعني
ما ظل علان ولا مكان الا سجلت فيه وكل يوم وانا على النت ادور في الوظايف ولا حياة لمن تنادي
انا راضية باي وظيفة حتى لو عاملة نظافة وعلني صرت اشك الحين اكيد حتى عاملة النظافة يريدون منها خبرة ولا شهادة حتى النظافة بعدين بصير لها شهادة كيف تغسلين وكم تضعين من الصابون وغيره
والله والله لو يقولون لي سوقي تكسي او شاحنة او عامل بناء هم قابلة بس المهم وظيفة...
كرهت عيشتي وكرهت هذا البلد الي مو مهتم فينا ترى حنا بشر بشر بشر
نحس عندنا التزامات ومصاريف جد الحمد لله حنا في نعمة وخير وابوي الله يخليه مو مقصر علي بس الواحد يحتاج انه يحس بستقلاليته وانه عضو فعال يعمل شي مو بس كل اكل وشرب ونوم
حتى اذا عندي افكار ما في راس المال الكافي
ارجوكم ثم ارجوكم الي يعرف عن وظيفة يقول لي ترى والله انا راضية باي راتب بس الفراغ قاتل وبعض الاحيان يجر الواحد الطريق الرذيلة
انا الحين ما لي كلام الا مع ابو متعب طالبتك بالله وراجيتك وداخله عليك بالله ورسوله ان ترحمني من هذا الوضع وربي ما طلبتك الا لاني عارفه منو انت وشنو تقدر تعمل لي وانت ساعدت القريب والبعيد والكل يشهد بفضلك طلبتك ثم طلبتك انك تسمعني وتلبي طلبي
الي يقدر يوصل كلامي حق ابو متعب يوصله ويقوله ان مالي غير الله ثم هو
طلبتكم يا اهل الخير تساعدوني وان شاء الله ما تشوفون الي شفته ويفرج همكم وينصركم ويجيب دعواتكم ويرزقكم من اوسع ابوب رزقه
وترى دعائكم يكفيني ارجوا الدعاء لي براحته البال والثبات على الصراط قبل كل شي والحصول على وظيفة
واعذوروني ان طولت بس من الهم
|
|
|
رد مع اقتباس
تواصل معنا
إعلانات نصية
الخصوصية
المفضلات