قصائد مهمة
ياحـي شيـخٍ طـرى والدلـه مهيلـه
ذكره توقف له الفريـس قـدر ومقـام
يبين مثـل الخشـوع بلفظـة البسملـه
كنه يسوق البـروق ويستثيـر الغمـام
لا ثارت الخيل والميـدان لـه زلزلـه
معروف لاقام ابو متعب ترى العز قـام
يجيـه منـا كبيـر السـن ويفـز لـه
ويجلسه والهموم تصير بـرد وسـلام
يآمر وكـل السعوديـه تقـول ازهلـه
والشعب في حب عبدالله حشا ما يـلام
هذي ديار الخزاما علمـوا الحنضلـه
من قـدم المـر تجتثـه يدينـا شمـام
يـا دار لالا يهمـك كثـرة البلبـلـه
على العدو لا زهمتينـا نشـد الحـزام
نجيه ريحٍ تحط اعـلاه تحـت اسفلـه
ويدفن من الخوف راسه مثل طير النعام
هذا السعودي كـذا والكـون مايجهلـه
وهذا ملكنا ليا غـارت وثـار القتـام
يوم اعتزى ليلة الخفجي وفاض زعلـه
سل المذهب وغار وشق وجه الظـلام
بينه وبين السيوف الحدب قرب وصلـه
في السلم هيبه وفي الشده يقص العظام
لو للكرم والرجولـه والوفـا بوصلـه
يشر سهمها على صقر العروبـه تمـام
سنابل الخيـر غنـت سنبلـه سنبلـه
ومبادرات السلام تزف سرب الحمـام
ياحـي شيـخٍ طـرى والدلـه مهيلـه
ذكره توقف له الفريـس قـدر ومقـام
من أخوكم /النسر الجارح
|
|
|
رد مع اقتباس
تواصل معنا
إعلانات نصية
الخصوصية
المفضلات