السطمبه وطريقة عملها
أولا : السطمبه وطريقة عملها وأنوعها :-
-----------------------------------------------------------
ويمكن تعريف الاسطمبه بانها وعاد خاص من خامات خاصة محفور عليه الشكل المراد عمل نسخ منعددة منه ولكن تختلف أنواع الاسطمبات من حيث الشكل والخامان المصنوع منهاالاسطمبه والخامات التى نقوم بصبها داخل الاسطمبة والاسطمبه المشروحة هنا هى الاسطمبة الخاصة بأعمال البوليستر ( البورسلين ) غير الحرارى أى الذى يجف عن طرق الهواء ولا يحتاج الى التعرض لدرجات حرارة عالية مثل الافرات .
وتختلف أنواع الاسطمبات من حيث الشكل المراد صبه داخلها مثل ( المسطحات والمجسمات ) والاتى شرح مفصل لعمل أسطمبة المسطحات والخامات المستخدمة لعملها .
اولا/ المسطحات :
____----------------_____
ويمكن تمثلها مثلا فى شكل برواز أو منظر طبيعى يعلق على الحائط ويكون المنظر الخاص بة مجسم بابعاد أو يوضع على طربيز .
الخامات المستخدمة لعمل الاسطمبة المسطحة :-
___________________________________
وهذة الخامات لا تتغير سواء فىالاسطمبة المسطحة أو غيرها من الاسطمبات الخاصة بالبورسلين .
1- أنبوبة سليكون ( ابيض حليب ) والمقصود هنا بالابيض الحليب هو لون السيلكون وليس المركة لان فيه ألوان كتيرة من السلكون لاكن أحسن الالوان الى ممكن تفيدنا فى الاسطمبه هى الابيض الحليب \او الاسود .
2- خشبة mdf ) ولازم تكون أكبر من الشكل المسطح بحوالى 4 سم من كل أتجاه بمعنى أنى لو حكوم بعمل برواز للصور مثلا زى أى برواز ممكن يكون عندنا من الى المحفور عليهم الدباديب أو العرائس البارزة فاحنسيب من كل جمب من خارج البرواز 4سم وده علشان نعمل حواف الشكل من الخارج .
3- مسدس شمع وحنستخدمه فى تثبيت البرواز أو المسطح على الخشبة ولو ما فيش مسدس ممكن نستعين بشمعة اللزتى الخاصة بالمسدس ونسهرها على النار ةنلصق بيها الشكل .
4- عزل وده ما هو الا بريل صابون سايل ) من غير تخفيف لكن له أهمية عالية جدا وده لاننا بنعزل بية الشكل قبل وضع السيلكون عشان وحنا بنقوم بخلع الاسطمبة من على الشكل تتخلع بسهولة وما يتلفش فيها أى جزء وفى نفس الوقت نحمى الشكل نفسه من التلف وعدم التصاق السليكون به .
وعلى فكرة فى فرق بين سمعة السلكون الخاصة بمسدس الشمع والى بتسمع فىاللاصل شمعة لازتى وبين السلكون المستخدم فى الاسطمبة والسيلكون ده هو السلكون المستخدم فى لصق الزحاج ولكن مش شفاف .
5- القطعة المراد عمل الاسطمبه لها وزى ماقولة ممكن يكون برواز عندنا ياعنى موجود بالفعل لكن لو الشكل من أبتكارك فاده ليه طرق تانية وخطوات تانية من أهمها أنك على الافل تكون عندك فكرة عن فن النحت وده سيبك من دلوقتى لانه لوحده عاوز شهور علشان تتعلمه بس من غير تنفيذ عملى .
6- فرشة مقاس 8 ولازم تكون ناعمة وحنستخدمها ثلاثة مرات فقط المرة الاولى فى عزل الشكل ٌقبل وضع السيلكون والمرة التانية هى فاخر خطوة أو طبقة للسيلكون والمرة التالتة هى عزل الجوانب الخشبية للقالة الجبسى. لكن باقى العمل وحتى تغطية الشكل باطبقات السيلكون حتكون بالايد وطبعا من غير جوانتى ( بلاش شغل الايدى الناعمة ) .
7- مسدس السيلكون وده مش مهم وجوده الا فى حالة عمل كميات كبيرة للاسطمة لانه بيسهل عملية خروج السلكون من الامبوبة الخاصة بيه . لكن ممكن نخرج السلكون منغير المسدس عن طرق الضغط على الامبوبه من الخلف بأى عصا خشبية .
8 - الجبس الى حنستخدمة لعمل قالب الحماية وده بيعنبر أخر حاجة فى الاسطمة خالص ولكن اخطوة ده بنعملها قبل مانزع الاسطمبة أو السيلكون من على الشكل .
9- هى نزع الاسطمبة وصب البورسلين جواها وطريقة خلع الصبة أو الشكل المصبوب من االاسطمبه .
10- هى الخطوة النهائية فى العمل الفنى كله وهى التلوين .
طريقة عمل الاسطمبه وخطواتها :-
--------------------------------------------- وطبعا مش محتاجة أشرح كل خامة على حدى كالسابق .
1- تلصق القطعة المراد عمل الاسطمبه لها على الخشبة .
2- يدهن الشكل بالعازل دهان خفيف ولكن يراعى تغطية الشكل جيدا بكل تفصيله ويترك ليجف مدة ساعة .
3- بعد جفاف الشكل من البريل نقوم بوضع أول طبقة من السلكون باليــــــــــــــــــــــــــــــــــــــــــــــ ـــــــــــد لتغصية كل تفاصيل الشكل ولكن هذةالطبقة تكون مبقط غير سميكة بمعنى أننا نغطى كل جوانب الشكل لكن حى مع وضع هذه الطبقة بيكون باين أن فيه شكل بارزعلى السلكون لكن غير واضح المعالم وبنترك الطبقة ده تخف لمدة 6 ساعات فى الطبقة التالية والثالثة .والرابعة حتى نحصل فى أخر طبقة من طبقات السيلكون على قطعة من السيلكون لا يوجد بها أى معالم نهائيا ويراعى أثناء عمل كل طبقة من طبقات السيلكون أن تترك مدة ال6ساعات للجفاف قبل وضع الطبقة التالية الى أن نصل للطبقة الاخيرة ولكن هذه المرة وفى الطبقة الاخيرة وقبل عملية الجفاف نضع الطبقة الاخيرة أو التانية من البريل (العازل ) وهذة المرة هى الاخيرة للعازل فكما ذكرت مسبقا يوضع مرتين فى أول العمل وفى أخره بس ونتركهم ليجفوا معا ولمدة 6 ساعات .
4- بعد جفاف الاسطمبه تاتى المرحلة التالية وهى عمل قالب الحماية الجبسى للاسطمبه :
ولعمل ذلك القالب سوف نحتاج الى * 4أخشاب حتى تحاط بهم الاسطمبة من كل جانب ويتم عزل الارعة أخشاب هى الاخرى بالبريل وتترك للجفاف ربع ساعة .
5- يضرب الجبس مع الماء ليعطينا قوام أشبه بقوام الطحينة ويصب على الشكل حتى يكون أعلى من أرتفاع الاسطمبة بحوالى 2 أو 3 سم ويراعى أن يتم تسوية القاعدة الجبسية باليد أو بمسطرة . وده لعمل أتزان للشكل أثناءعملية الصب بمعنة أنه ما يكونش فيه جزء سميك وجزع رفيع .
6- بعد جفاف الاسطمبة الجبسية بنقوم بخلع الاخشاب المحلكة بها ونرفع القالب الجبسى من على اللاسطمبة والى بيتخلع بسهولة وده لان الطبقة الاخيرة للاسطمبة تم عزلها بالبريل كما سبق وذكرة فى أخر خطوة من السيلكون .
7- بعد رفع القالب الجبسى من على الاسطمبة ناتى لمرحلة نزع الاسطمبة من على الشكل وبرفق نقوم برفع الاربع جوانب الخارجية من الاطراف وهذة الجوانب كما زكرت من قبل هى المسافة التى تم تركها من جوانب الشكل ولكن لانعطيها نفس أرتفاع الشكل من طبقات السلكون بمعنى أننا لو عملنا مثلا الاسطمبة 4 طبقات حتكون الجوانب الخارجية للشكل أو اللى على الخشبه ثلاثة أو أثنان فقط ودون الاستهتار باكمية السلكون عليها . ونبدا فى رفع الاسطمبه كاننا نقوم برفع شوراب القدم . وأسفة للتعبير لكن هو ده أقرب وصف لفك الاسطمبة من على الشكل .
وبكده تكون الاسطمبه جاهزة لعملة الصب بس قبل ما نصب الشكل حنضع اللاسطمبة فى القالب الجبسى .
خامات ابوليستر وطريقة صب المسطح أو الشكل بداخل الاسطمبة :
----------------------------------------------------------------------------------------------
2كيلو سيبداج 1 كيلو بوليسنر مضاف اليه الانالينا مرهم مجفف وعاء صغير لعملية الخلط
جميع هذه الخامات متواجدة لدى محال بيع مستلزمات الرخام أو مكتبات بيع الادوات الفنية المتخصصة .
--------------------------------------------------------------------------------------------------------------------------------------------------------------------------
طرق الصب وخلط الخامات :
______________________
طبعا أحنا مش حنخلط الكمية السابق ذكرها مرة وحدة لكن بنقوم بخلط الكمية المطلوبة للشكل بس وده فى حالة أنى حصب شكل أو أتنين لكن لو حصب كمية فا من الافضل أنى أكون خالطة الخامات مسبقا لكن بدون وضع مرهم المجفف
لان مرهم المجفف لازم يتم وضعه قبل صب الشكل بثوانى على الخليط وده لانة سرع الجفاف والتصلب يعنى بمجرد وضع المرهم وصب الخليط فى الاسطمبه بيجف الشكل هى أقل من خمس دقائق . لكن لو حاخلط فانا حاخلط السيبداج والبوليستر المضاف اليه الانالينا وحتركهم حتى ولو لشهر كامل طالما لم يضاف اليهم المرهم ويكونوا فى علبة محكمة .
ودايما يكون السيبداج ضعف البوليستر يعنى لو حخلط الكمية كلها حيبقى 2ك سيبداج أصدهم كيلو واحد بوليستر ده بالنسبة للكمية الكبيرة أم لو حخلط على أد الشكل بس فاحنقول مثر ملعقة بوليستر عليها 2 ملعقة سيبداج .
وبانسبه للمرهم فاده فى الكميات الكبيرة بيترك لتقديرك أنت أما أذا كان مثلا برواز زى الى بنقوم بعمل الاسطمبه لية 15سم * 25 سم فاحنا بنحتاج لقطعة مرهم فى حجم ربع عقلة الاصبع وكل ماكان حجم البرواز أكبر كل ما بنضبف علية سنه بسيطة من المرهم المجفف .
__________________________________________________ ____________________________________
خطوات الصب :
___________
* يتم أضافة السيبداج الى البوليستر تدريجيا حتى يمتزج ببعضة ونلحظ أن قوامة أصبح كسائل البريل ولكن أخف بقليل .وطبعا أحنا بنقوم بعملية الخلط فى وعاء صغير لا يستعمل ويكون من البلاستك .
* يضاف المرهم المجفف عل الخليط ويقلب جيدا حتى يتغلغل فى الخليط بأكملة ويراعى سرعة الخلط وسرعة الصب أيضا .
يتم صب الخليط فى الاسطمبة ويترك حتى يجف وذلك من دقيقة الى 5 دفائق على الاكثر وتتوقف سرعة الجفاف على جودة المرهم المستخدم وعلى طريقة خلط المرهم بالخليط السابق .
* يتم نزع الشكل من الاسطمبة بعد الجفاف ونبداء فى عملية سنفرة الشكل من الاجزاء الزائدة أن وجد
* وهنا أخر خطوة وهى عملية التلوين وترجع هذة المرحلة أوالعملية للزوء الشخصى فى أختيار الاوان .
والالوان المستخدمة فى عملية تلوين البورسلين هى الوان ال ( بييبى ديكو الفرنسية ) وهناك أنواع أخرى ولكن ساذكرها فى المرة القادمة .
وهنا أنتهى الجزء الخاص بالمسطحات وأتمنى أنى أكون أدرت أوصلك المعلومة كملة بشرحها وأتمنى كمان أنك ما تكنش ماليت من الكلام والشرح ولو فيه أى أخطاء أملائية فاعظرونى لانى كنت بكتب بسرعة .
المرة الجاية حيكون الجزء الخاص بالمجسمات لكن معليش مش مش حيكون الشرح كله زى المسطحات خاصتا لان فية أربع أقسام للمجسمات يعنى ححاول أشرح جزئين جزئين أو جزء جزء .
وده نبذة صغيره عن الموضوعان اللى حيتم شرحها فى المجسمات :
__________________________________________________ _
* الاسطمبات ( الاسطمبه الشراب _ الشق _ النصفين ) وعمل القالب الجبسى لكل نوع لهم .
* الاشكال المجسمة ( المسمطة والمفرغة وذات ت النصفين )
* طرق الصب ( المفرغ والمصمط والجف والنصف مصمنط )
*طرق التلوين الحاخلى والخارجى .
|
|
|
تواصل معنا
إعلانات نصية
الخصوصية
المفضلات