جزاك الله خير الجزاء ...
لله درك ويبارك فيك ...
والله أنها انشودة ابكتني كثيرااا ..
فــهي أكثر من رااااائعه ...
تحمل من بين ثناياها الكثير من الأشجان ..
صح السان قايلها ..
ويسلم بنان ناقلها ...
واسمحي لي بوضع كلماتها ...
القلب يحزن
القلب يحزن والمدامع غزيره
في جوفي نار من لهبها تباكيت
والدار ظلمه كانت امي تنيره
يايمه وينك من دونك خلى البيت
قلبي تفطر على الفرقى المريره
امنت بالله وبقداره تراضيت
الموت حقن وكلن له مصيره
وموت النبي قبلك يايمه تعزيت
هذا جلالك وريحك في عبيره
كل يوم اشمه واذا شفته تهنيت
صوتك يا يمه يامحلى اثيره
وحنانك يايمه يخليني تدفيت
يايمه منه أجي له واستشيره
يعدلني لاشفت الصواب وتنحيت
يوم كنتي عندي وكني أمير ديره
وكلن يناديني يقولي تغليت
يوم رحت يمه و كني في جزيره
وحيدن فيها عن الناس تواريت
أجي دويخ في وقت الظهيره
محدن سأل عني يقول لي تغديت
و أبيت ليلي وعيوني سهيره
كم الليالي نايم ما تعشيت
ظروفي يمه تواجهني عسيره
الشكوى لله بظروفي تعنيت
ياكم تعلمت من معاني غزيره
يا منهل التعليم منك تربيت
كم قصة قلت وللماضين سيره
ولا جيت عندك سواليفك تسليت
آه يايمه لنظراتي الاخيره
مليت كفي ترابن ثم حثيت
ابشري يمه بدعواتن كثيره
كلما ذكرتك وللرحمن صليت
اللهم اغفر للوالد ..
واسكنه فسيح جناتك ..
واحفظ الوالده واطل بعمرها ..
يا ارحم الراحمين ...
:: آمين ::
|
|
المفضلات