** وسليـــــ لتدريب اكمال الحرف الناقص بالصف الاول ــــــة **
[align=center]السلام عليكم ورحمة الله وبركاته
تحيه طيبه للجميع
أخواني واخواتي دي فكره مجربه عن وسيلة لتدريب الحرف الناقص في الكلمه في الصف الاول وممكن نستخدمها لطلاب الصف الثاني والثالث
فكرة الوسيلة تعتمد على ربط الطالب لصوت ما لحركة حرف معين مع الكلمه الناقص فيها الحرف
الوسيله يبغالها شوية شغل الله يعينكم بس والله مجربه ومرتاح فيها مع طلابي وانشالله تريحكم انتو كمان
يلا نشوف كيف نعملها
الادوات :
نحتاج لفلين اللون حسب الذوق ، هرن دراجه أطفال ذو اربعة اصوات ، سلك كهرباء بطول 3 متر ( مزوج ) ، مسامير مع الصواميل متوسطه الحجم ، كونكتر ، قطع ورقيه لاصقه تلاقوها في المكتبات ، ورق مقوى قابل للكتابه بأقلام السبوره يوجد في المكتبات
بالنسبه للهرن ممكن تشوفو اقرب محل لبيع الدراجات انشالله بتلاقوه هناك اما الكونكتر *****امير والسلك فأكيد حتلاقوه في محلات الادوات الكهربائيه ومواد البناء وممكن تستعينو بالصوره عشان تضح لكم الادوات المطلوبه[/align][img]http://www.geocities.com/wad_mkkawy/kids**.jpg[/img]
[align=center]خطوات التنفيذ : يلا ركزو معايا هنا وفتحو عيونكم قد الريال
1- حنعمل نموذج زي اللي قدامكم في الصوره من الفلين والمقاسات الافضل انا حاطتها مع الرسم .[/align]
http://www.geocities.com/wad_mkkawy/kids01.jpg
[align=center]نثبت المسامير عند النقاط الحمرا والصفرا زي ما هو واضح في الصوره بحيث تكون بارزه للأمام طبعا هنا نستخدم الصواميل ندخل المسمار من الخلف ونقفل عليه من الامام بالصاموله
بالنسبه للمربعات *****تطيلات الخمس الواضحه في الصوره دي عباره عن الورق القابل للكتابه باقلام السبوره
2- خلصنا من شغل الفلين جينا لشغل الكهرباء اول احب اطمنكم انو الوسيلة تعمل ببطاريات لايتعدى جهدها 3 فولت يعني ما تخافو من توصيل اي شي نحنا بعيدين عن الخطر
نجيب الهرن حق الدراجه ولو لاحظتو في معاه اربعه ازارير ما نبغاها فممكن نستعمل المقص ونقص السلك من مكان قريب من الازراير لا تقصو السلك كلو عشان نحتاجو بعد ما نقص الازارير ونفصلها نجي للسلك الخارج من الهرن ونعريه يظهرلنا خمسه اسلاك ملونه ( الاحمر أساسي ، الاخضر والازرق والاسود مرتبين ومرقمين بـ ABC بالنسبه للسكلك الأبيض فغير مستخدم نعريها كمان زي ماهو موجود معانا في الصوره [/align]
http://www.geocities.com/wad_mkkawy/kids0.jpg
[align=center]بعد ما نفصلها نجيب قطعه الكونكتر وناخد منها اربع كونكترات بس نوصل الاسلاك الملونه في الكونكتر زي ما هو موجود في الصوره مع ملاحظه اننا نضيف سلك طوله تقريبا نصف متر مع كل لون ما عدا الأحمر الاساسي نوصل معاه سلك طوله متر تقريبا السلك الاساسي انا مسميه main- Dعشان ما تتلخبطو في الصوره الجايا
3- ازا عملتو الخطوه رقم اتنين بشكل جيد دحين يجي دور تثبيت الجهاز على اللوحه فنقلب اللوحه من الخلف ونشوف ايش نسوي فيها طالعو معايا في الصوره [/align]
http://www.geocities.com/wad_mkkawy/kids02.jpg
[align=center]أنا حاولت قدر الامكان انو تكون الصوره واضحه وانشالله اكون وفقت لو لاحظتو القطعه المستطيله اللي موجوده تقريبا في وسط اللوحه دي عباره عن الكونكترات الاربعه اللي استخدمناها فوق في الخطوه رقم 2 وقلنا اننا نخرج من كل لون من الاسلاك زياده طولها نصف متر حناخد السلك الزايد مع اللون الازرق ونثبتو في المسمار اللي عند الحرف Aوناخد السلك الزايد مع اللون الاصفر ونوصلو في المسمار Bوناخد السلك الزايد مع اللون الاسود ونوصولو في المسمار C
اما بالنسبه للسلك الزايد مع اللون الاحمر واللي قلنا عليه الرئيسي فنعمل فيا لفلين في الطرف الايسر فتحه وندخلو فيها بحيث يكون خارج امام اللوحه [/align]
http://www.geocities.com/wad_mkkawy/kids03.jpg
[align=center]
4- عند المسامير من رقم 1 ‘لى رقم 5 نضيف أسلاك طولها نص متر ونتركها زي ما هي موجوده في الصوره
الين هنا انشالله يكون الشرح واضح بالاستعانه بالصور والاسلاك الملونه اللي هي تجي في الاصل كدا ملونه يعني اتبع الالوان وانشالله ما راح تتعب
5- نفتح كتاب القراءة علىالدرس اللي تبغا تستعمل الوسيله معاه وانا هنا اخترت درس حرف الدال ناخد اللوحه ومن الامام نجي عند المربع الاول ونكتب حرف الدال مضبوط بالفتح والمربع التاني مضبوط بالكسره والمربع التالت مضبوط بالضمه
A= فتحه
B = كسره
C= ضمه
نكتب الكلمات في المستطيلات الخمس بالترتيب زي ماهي موجوده بالكتاب
6- طبعا الكلمات مرتبه دحين بالارقام من 1 إلى 5 وكل ما علينا دحين هو اننا نرجع نقلب اللوحه ونجي عند السلك رقم واحد واللي يمثل الكلمه الاولى ( ....جاج ) الحرف الناقص فيها هوا حرف الدال مفتوح فناخد السلك ونوصلو بالكونكتر عند السلك ذا اللون الازرق اي عند السلك A
ناخد السلك الثاني والذي يمثل الكمله الثانيه ( ....ب ( الحرف الناقص فيها هوا برضو الدال مفتوح ونوصلو بالسلك الازرق الموجود في الكونكتر
السلك التالت نوصولو بالسلك الاصفر في الكونكتر والذي يمثل حرف الدال مكسور وهكذا مع بقيه الكلمات
طريقه استخدام الوسيله :
بعد توصيل الاسلاك بالطريقه الصحيحه طبعا يتم الاجراء دا قبل الحصه نجي لوقت استخدام الوسيله
تعرف الوسيله قدام التلاميذ ويفهم المعلم التلاميذ ان حرف الدال ازا كان مفتوح فله صوت ( وياخذ السلك Dواللي سبق ومررناه امام اللوحه ويلامسو في المسمار رقم Aفيسمع التلميذ صوت معين
وحرف الدال المكسور وله صوت اخر ويسمعه للتلميذ بنفس الطريقه وهكذا مع الحرف المضموم
http://www.geocities.com/wad_mkkawy/kids04.jpg
يسأل المعلم التلاميذ عن الحرف الناقص في الكلمه الاولى ويأخذ اجابات التلاميذ ثم يختار احد التلاميذ للسبوره ويطلب منه ملامسه السلك عند المسمار الموجود عند الحرف الذي يعتقد التلميذ انه صحيح ثم يلامسه عند المسمار الموجود عند الكلمه فإذا تطابق الصوتان تكون الاجابه صحيحه وازا لا يعطى تلميذ اخر فرصه المحاوله
وبكدا شدينا انتباه التلميذ للسبوره وفي نفس الوقت نجد عند التلميذ فضول لتجريب الوسيله حتى مع التلاميذ المتأخرين دراسيا
ولا تنسو تحفيز التلميذ الذي يجد الحرف الناقص الصحيح بحلوى
ولا تنسونا من الدعاء واخر دعوانا الحمد لله رب العالمين
منقووووووووووووووول [/align]
