سؤال : متى يكون المُعلمُ فاشلاً ؟

تحرص وزارة التربية والتعليم في أي دولة من دول العالم على اختيار المعلمين الأكفاء ليتولون تربية الأجيال بالشكل الذي يكفل لهذه الدول السير قدمًا في الطريق الذي ترسمه لهم قيادات هذه الدول .

وفي الدول الأوربية نجد أن أفضل الكفاءات يتم ترشيحها للعمل في المدارس الابتدائية لتعليم النشء الطريقة الصحيحة في القراءة والكتابة والتفكير الإبداعي وحسن التصرف ، بينما يحدث العكس في عالمنا العربي حيث يكون الإهتمام (( أضعف )) بالمراحل السنية الصغيرة إعتقادًا بأن الطفل مخلوق سهل التعامل معه ولا يجب أن يأخذ الشيء الكثير من التفكير أو حتى الإهتمام بمن يقوم بتعليمه أو حتى مايجب أن يتعلمه .

ولذلك نجد أن كثير من أبنائنا يتركون الدراسة أو يتعلمون العنف إن استمروا في مراحل عليا من التعليم نظرًا لما تعلموه من هؤلاء المعلمين من العنف و (( أسكت ياولد !! )) .

وتتناقص الأعداد في الغالب في مراحل التعليم العليا نظرًا لإعتماد التعليم لدى غالبية الدول العربية على (( الكم )) لاعلى الكيف ثم يأتي المعلم (( غير )) المؤهل ليكمل الناقص (( بحشو )) أذهان التلاميذ بكل مالذ وطاب (( !! )) من المعلومات التي (( تثقل )) كاهل الطالب بمعلومات كثيرة ومتنوعة لاترتبط بواقعه الذي يعيشه فيكون هذا التناقض العجيب حيث يهتم أبنائنا بحفظ المعلومات حفظًا ثم (( نثرها )) في أوراق الإجابة في الاختبارات المتنوعة ثم (( نسيانها )) بعد الفراغ من هذه الاختبارات لأنها بعيدة كل البعد عن واقعه الذي يعيش فيه !!

ومما يزيد الأبناء (( غبنًا )) بعض المعلمين الذين يتخذون من هذه المناهج (( تحديًا )) بينهم وبين طلابهم (( !! )) فتجدهم (( يتفننون )) في وضع الأسئلة (( التعجيزية )) حتى يبينون (( أهميتهم )) وصعوبة المنهج الذي يعلمونه لأبنائهم طلاب المدارس في المراحل المختلفة !!

وقد لفت انتباهي معلم مادة (( الفيزياء )) في إحدى المدارس الثانوية المعروفة بمدينة جدة حيث لم يستطيع إلا طالب واحد من الحصول على الدرجة النهائية في هذه المادة في اختبارات نهاية الفصل الدراسي الأول !!

وقد تحدثت مع مدير المدرسة ووكيلها عن وجهة نظرهم في هذه النتيجة المخيبة للآمال والتي أرى أنها تدل على (( فشل )) المعلم في إيصال المعلومة بشكل صحيح لطلابه أثناء تعليمهم (( ثم )) فشله في (( إعداد )) الأسئلة التي تتناسب مع ماقام بتعليمه لطلابه خلال الفصل الدراسي لأن إعداد الأسئلة يجب أن يكون متوازنًا مع ماقدمه المعلم خلال الفصل الدراسي لطلابه وإن كانت النتيجة مخيبة بهذا الشكل فلا بد أن هناك خللاً لدى هذا المعلم في أسلوب تعليمه لأنه ليس من المعقول ولا المقبول أن يكون غالبية طلاب هذا المعلم لم يستطيعون تجاوز نصف درجة المادة نظرًا لصعوبة الأسئلة رغم تفوق هؤلاء الطلاب في الكواد الأخرى سواء العلمية أو الأدبية لتظهر لنا مادة الفيزياء (( شاذة )) في نتيجتها من بين بقية المواد الدراسية .

أتمنى أن نتناقش في هذه القضية بهدوء كما تعودنا من الجميع وإبداء الرأي بكل شفافية في هذه القضية حرصًا على جيل قد يكون مثل هذا المعلم سببًا في تركه للتعليم وقد يكون سببًا لإنحرافه بمثل هذه الأساليب التي لاتمت للتربية بصلة .

وبما انني ادرس في المدرسة اعرف معنى هذا الكلام حق معرفته كما اتوقع ان جميع اعضاء منتدانا الرائع يفهمون هذا الوضع ويعيشون معه

أتمنى من الجميع مناقشة هذا الأمر

شكرا لك أختي الكريمة على طرحك هذا الموضوع

عندما يقف المعلم حائرا مكبل اليدين دون إتخاذ وسائل تعليمية

تعينه على إيصال المعلومات إلى التلاميذ .

ويصبح فاشلاً عندما يكون غير ملماً بمادته العلمية .

وعدم إطلاعة على الجديد والمباحث الجديدة التي تطورت في تخصصه الأكاديمي .

عدم تواضعه للطلابة .

تقديم الإسئلة التعجيزية وتحديه للطلاب .

واترك الباقي لكم

يعطيك العافية

موضوعك..مـــهــم..جدا.جدا....ويستحق النقاش...بعقلانية ووضع اليد على الجرح ليقف نزيفة..

لفت نظري..شي مهم بموضوعك الا وهو..الاهتمام بالمرحله الابتدائية يكاد يكون ضعيف جدا.

والدليل..أن اي معلم مستوه ضعيف يعاقب بتنزيله من مرحلة متوسطة أو ثانوية الى ابتدائية

مع العلم أن الاهتمام يجب أن يكون بالقاعدة حتى يكون البناء سليم.ولكن هذا هو الحال..

أما موضوع أخونا مدرس مادة الفيزياء...فلا يتحمل ضعف الطلاب وتدني مستواهم وحده.

وذلك لان المعلم لايعمل في عالم خاص والا يملك حق تحديد وتدمير مستوى الطلاب الذي من المؤكد

أن تدني درجه طالب متفوق تعود أن تكون درجاتة في القمه وهذا المعلم بعقليتة المتواضعه تكون

اثر سلبي على نفسية هذا الطالب ومن الممكن أن تجعل ثقتة بنفسه تضعف نتيجه عنجهية هذا

المعلم.

ولكن أين مدير المدرسة....؟؟..أين المشرف التربوي المتابع لاداء هذا المعلم خلال الفصل الأول

اين مشرف الماده للاختبارات التحصيلية؟؟؟؟

بعتقادي أنهم يتحملون مع معلم المادة هذا الخطاء ولكن للاسف لو كل أنسان يقوم بواجبة ويخاف

الله في في عملة سواء معلم أو مدير أو مشرف .تربوي لاصبح طلابناء من الأوائل بكل شي .





أخـــــــــــوكـــــــم/ مــــــــكــــــســـــــــل

[frame="1 80"][align=center]


السلااااام عليكم

شخباركم؟؟

ياجماعه بكتب موضوع جا ببالي يوم شفت موضوعكم بس
ماهو بعيد عن الموضوع ابدا بل من صلب الموضوع

اللي يبي ياخذه بجد ياخذه بجد
واللي يبي ياخذه باستهبال ياخذه باستهباال


بس انا بقووووووولكم عن اشياء كبيرة تصير من حولنا
وقسسم بالله مدري شلون مستحملينها

اشياء تصير عكس مانبي وعكس ماهي المفروض إنها تصيـر

واشياء صارت لكل واحد مننا

بكلمكم عن المدارس

بحكي لكم قصص صارتلي

وأكيد انها صارت لـ 99.99.99.99% من هالناااااااس

بس قسم بالله قهر هالشيء يصير *****ؤولين ساكتين
والله حراام

بقص عليكم القصص
وانتم بتعرفون مضموون الموضوع من هالقصص

لما كنت بالإبتدائية
كان فيه عندنا مدرسين وكانو حبووبيين مرررره
وحببوني بالمدرسه
بس المشكلة
فيه مدرس واحد مسوي فيها هيبه
وكرهني بالدراسه والمدرسه والعلم وبكلشي

وطبعا الكل يعرف
ان الواحد لما يكون صغير لازم نحببه بالأشياء عشان لما يكبر يكون حاب هالاشياء واخذ عليها

صدقوني ان أهم مرحلة بالعمر هي مرحلة الطفولة
مرحلة الطفولة المفروض الكل ينتبه لها ويحرص عليها
من أولياء أمر
ومن مدرسين "تربويين "

المهم
أكملكم قصتي

درست الابتدائيه 6 سنوات
ويوووه كنت اكره هالمدرس
لانه كان شديد
وكان يضربنا
وياويل اللي يجاوب غلط
وكنت وانا صغنون أتميرض بالأيام اللي يكون هو يدرسنا فيها عشان اغيب
بس من الخوف
(( طبيعي ردة فعل أي طفل يتعرض لشيء يخوفة طبيعي انه يهرب منه ))
المهم
كرهونا المدرسه هاللي مثل هالشكل
واللي يهاوش واللي يصارخون

لا ووقت الفسحه

اذا خلصت

يجي مدرس ومعه عصا يلاحق الطلاب ويضربهم بالعصا عشان يدخلون
يؤؤؤ

قسم بالله ولا غنم
ويقولون تربية وتعليم
ياشيييخ وين التربيه والتعليم فيه وانتم ماتعرفون تحببون الطالب الصغنون بمدرستة

والله جد اتكلم
هالمشكلة مو بس يوم كنت انا بالابتدائي او المتوسط
المشكله للحين موجوده
ياكثر ماسمع ولد اختي منقهر من مدرسهم

المهم

طلعنا من مرحلة الابتدائي
مرحلة نشئة طلاب العلم
مرحلة تحبيب الطلاب بالمدرسه
مرحلة تاسيس الطلاب على الاشياء الجميله
ومرحلة تاسيس الطلاب على حب القرائه وحب المذاكرة
وحب العلم

ورحنا للمرحلة المتوسط
هذي المرحلة
الواحد يحس نفسه صار كبير
صار رجال
وهي مرحلة بداية المراهقه
وتتغير الصحبة
ويتغيرون المدرسين

ومرحلة المراهقه هي من اصعب المراحل اللي يمر فيها الانسان
يبي واحد من " التربويين " المدرسين
يبي واحد يسمع له
يبي واحد يغفرله وقت الزلل
يبي واحد يوجهه على الطريق الصحيح إذا أخطأ مره ومرتين وعشر مرات
يبي واحد ينزل لمستواه
يبتسم له
يحبه ويحاول يتقرب له
يفهم له
يبي ناس تربويين بمعنى الكلمة
يرتاحلهم ويحترمهم ولما تصير له مشكلة يقدر يصارحهم فيها ويثق انهم بيساعدونه
مو يروح يدور احد من الشارع يحلها له ..

مانبي تربويين شهادة ومسوي فيها مدرس قد الدنيا وهو مايعرف يبتسم بوجة طالبه

احكي لكم عن مرحلة المتوسطة؟؟
برضوه نفس الشيء
مع ان مدرستي الابتدائية غير مدرسة المتوسطة
الا انه جانا مدرس أقشر من اللي بالمتوسط
ويطق طققققققققققق

...
قسم بالله يطق بدون رحمه
ياناس ياعالم قسم بالله طلاب المتوسط اوادم
يبي لهم فهم
يبي لهم ابتسامه وتشجيع
يبي لهم ناس تربويين بحق وحقيقه
مو اذا ماجاوبت او اذا مافهمت او اذا اخطيت
طااااااااق طراق او تسطيع او اقلب وجهك للمدير واشوفك بعد الدرس ...

انتهى عناء 3 سنوات درسناها بالمتوسط
والمشكله هالمدرس بكل السنين درسنا
وكرهونا بالدراسه وبالعلم وبالتعلم اكثر واكثررر
والمفروض اننا حبينا المدرسه بالابتدائي
ونحبها اكثر بالمتوسط
عشان نحب الدارسه بالثانوي
ونحب ندرس لوحدنا

طلعنا من المتوسط
ورحنا الثانوي
عاد الثانوي
حدث ولا حرج
انا عن نفسي
درست باكثر من مدرسه
كل مدرسة فيها عيب ماشاء الله
وكل مدرسه تكرهك بالدراسه اكثر

قسم بالله هذي تفاهه مو دراسه

اذكر اول مدرسه ثانوية
كانوا شديدين مررره
وكل مدرس اردى من الثاني

وتحسبون الضرب اختفى يوم كبرنا شوي؟
ههههه لا والله قسم بالله زاد
مع انها مدرسة حكومية

المهم رحنا لمدرسة اهلية
وياربييه
كانت ملك للمدير
وكان شديد مرره

اذكر اسمه كان يرعب الطلاب
وكان ياويل اللي يدخل لمكتبه
كان يستحقره استحقااااار
خير ؟ وش تبي؟
بالله عليكم هذي مدرسه؟ هذا شخص ناجح لادارة طلاب
مستقبلهم بين ايديه

ياجماعه ياعاالم
قسم بالله ان هاللي يصير شيء مو طبيعي
كلنا تعودنا عليه لانه يصير كثير
المفروض يجي شيء يردع هاللي يصير

اذكر ولد اختي بالابتدائي يسولف لي
يقول ياني مقهوور اني غاايب ذاك اليوم
قلت له افا ليه؟
انا عبالي حب المدرسه
او عليهم حصة رياضة وفاتت عليه؟
أو شيء مثل كذا ..

قالي ان مدرسنا اللي كل الفصل يكرهونه
كان بيجلس على الكرسي
وطاح
وكللل العيال انبسطوا
واني مقهور عشاني ماشفته يطيح


انا ماقولكم هذا الموقف عشان اضحككم
لا والله
انا اقولكم ان هالمدرس واللي مثل هالمدرس غلط وجوده بقسم التعليم
والله غلط
طلاب صغارين يكرههم بالماده ويكررهم بالمدرسه ويكررههم بنفسه
بس عشان يسوي فيها هيبه؟
او عشان فلان جاوب خطأ اضربه
او فلان اخطا اسطعه

والله المفرض تطلع معاقبات قويه
للي يخالف قوانين التربية
واهمها الضرب او تهزيئ الطالب او تحطيمه قدام الطلاب الثانين

المفروض مايعينون مدرسين
الا متأكدين انهم ناس تربويين بمعنى الكلمة
مو ناس يدورون الراتب وهو مايعطي كثر ماياخذ

وأقوول لكل مدرس
يضرب طلابه وخاصه مدرسين الابتدائي
او يهزء طلابه او يصارخ عليهم
او مسوي نفسه هيبه قدام الاطفااال

اســتــح على وجهـك والله انك منت كفو بهالوظيفـة

بس قبل مانهي كلامي

احب اقولكم ان العنف بالتتعامل ماخلص بالثانوي

ياما وياما جانا تهزيء من " دكاترة " الجامعة المحترمين

عاد هذوول ماعليهم شرهه

تدرون وش المشكلة العظمى؟؟

إن هالدكتور خلص عمره على الدراسه وصاروا الناس يقولون عنه دكتور

وصار كبير بعيون اللي يعرفوه

بس مشكلته إنه للحين مايعرف يتعامل مع الناس
مايعرف يبتسم للي حوله
مايعرف يتواضع لطلابه وأبنائه

ياكثر ماسمعنا عن الطلاب اللي يقولون لهم دكاترتهم

" أنت وجه دراسه؟ .. أنت وجه علم ؟؟ ياخي اسحب المادة واجلس ببيتكم اصرفلك "

والمشكلة راتبه يطق فوق 15 ألف وهو للحين ماتعلم كيف يتعامل مع الناس
وماتعلم كيف يوصل النصيحة لطلابة

وموضوعي مو خاص بالشباب فقط

حتى البنات يصيرلهم مثل اللي صار للشباب وأكثر ..

لاكن لا حياة لمن تنادي ..


انهي كلامي واقول
انه المفروض تكون هناك جديّه بردع كل مدرس او دكتور يعامل طلابه او يضربهم او يكلمهم بطريقة غير لائقة
وأنه هناك طرق شتى للتربية .. والمعلم لايكون معلم إن لم يتعلم كيف يتعامل مع من هم حوله
لكي يذهب طالب الابتدائي او طالب المتوسط وهو محب لمدرستة محب لعلمة محب لأساتذته

وأترككم مع الملف المرفق لتتمتعوا بـتعليمنــا الجميــل [/align][/frame]

تعقيبا على كلام الأخ مكسل :

(لفت نظري..شي مهم بموضوعك الا وهو..الاهتمام بالمرحله الابتدائية يكاد يكون ضعيف جدا.

والدليل..أن اي معلم مستوه ضعيف يعاقب بتنزيله من مرحلة متوسطة أو ثانوية الى ابتدائية

مع العلم أن الاهتمام يجب أن يكون بالقاعدة حتى يكون البناء سليم.ولكن هذا هو الحال..)

أشكرك أخي الكريم على ما ذكرت هنا قضية أخرى إلا وهي عندما يعاقب معلم من المرحلة

الثانوية مثل ما ذكرت تقوم الجهات المختصة بإنزالة إلى المرحلة التي تعتبر بذات الأهمية

وهي مرحلة مهمة جدا للطالب ولاشك فهذا دليل على عدم إدراك أهمية هذه المرحلة من قبل المسؤولين

وليس هذا عقاباً للمعلم بل يعتبر إستهتار من الجهات المتختصة بهذه المرحلة .

هنا بعض المعلمين متمييزين في المراحل الإبتدائية ومتفوقين في إلمامة بمادته ولكن

عندما يذكر بإنه من خريجي كلية المعلمين قالوا بإنه ليس مؤهلا لكي يدرس المرحلة المتوسطة والثانوية

مع العلم إنه قد يكون أفضل من المعلمين المتواجدين في المرحلتين السابقة ذكرهما .

واكرر شكري للأخ مكسل على هذه اللفته.


وكما أشكر أخي الكريم على المهاجر على هذه الحقيقة الذي يتعبر شاهد على هذا العصر