المكالمات اللي ترفع ضغط موظف الاستعلامات الدليل
المواقف الطريفه التي تحدث في مثل هذه الواجبات وخصوصا 905 مركز استعلامات الدليل:
وللأسف بعض المواطنين لا يقدر الحالة النفسيه للموظف ولا يتحلى بالأدب وبعضهم والله يستاهلون وخصوصا اللي يطلبون رقمين وما يعطيك إلا رقم واحد بس ويطنشه أخونا في الله مهوب فاضي . تقول الشركة شركة أبووه.
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين
المكالمه الاولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالضبط .
المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .
المواطن : اقول والله ماعندك ماعند جدتي بس .
طوط طوط انقطع الخط . . .
المكالمه الثانيه : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وش اسمه ..هذا..وش اسمه ياربي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وش اسمه ... مانع فالح سامي الموظف : طيب خذ رقمه ؟؟؟؟؟؟؟ ( مع انه ممنوع اكثر من اسم في مكالمه واحده )
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي! .
الموظف : يخرج من طوره ( اقول اسمع ............. طوط طوط قفل الخ ط . . .
المكالمه الثالثه : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني ر قم بيتزا هت بس مابي فرع النسيم دايم تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
الموظف : بيموت من الضحك بس ساكت ... طيب خوذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط . . .
المكالمه الرابعه : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
الموظف : طيب خوذي الرقم ؟؟؟؟؟؟؟؟؟؟؟؟؟
المكالمه الخامسه : كانت صوت ناعم اوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولاده .
الموظف : كيف ..؟؟؟؟؟
الصوت الناعم : مستشفى العيون للولاده .. تسمع يا اصطه .
الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط . . .
وحليلهم الموظيف إذا هذا حالهم ... الله يكون في عونهم
