الـــخـيـــانـة

قلبك يغــرّك وانت .. فالحب تحتال
ـــــــــــ وشلون شايل .. بين الاضلاع قلبك

مدام مالك بالهوى ( فــيّ ) وظلال
ـــــــــــ مايختلف لو شفت سلمك وحربك

كنت احسبك تعطي على كل الاحوال
ــــــــــــ واثر العطا ما وافق بيوم دربك

عشتك ( ألم ) كلـك متاهـات وهبـال
ـــــــــــــ معنى العذاب وجايـر الهـم .. قربـك

طبعك تجاوز للاسف طبع ( الانـذال )
ـــــــــــــ ليتك تحس بحـرّ ( نـارك ) وكربـك

في داخلي يبني لك ( الكـره ) تمثـال
ـــــــــــــ بين ( الحنايا ) لو تصورت .. يربك

خنت العهود وجيتني ( حيل ) تختـال!!
ـــــــــــــ الوجه شرق و ( نيتـك ) يـم غربـك

غدرك معك في داخلك ( حي ) ما زال
ـــــــــــــ ماهو غريب ان صار ( زادك ) وشربك

لا تحسبن جروح .. مثلك علـى البـال
ـــــــــــــ من صد ( جيشك ) قادر إيبيد ( سربك )

مات الشعور ولا بقى فيـه ( مثقـال )
ـــــــــــــ تعبت اجامل .. وادفع ( اتعاب ) كذبـك

خذها صريحة واصدق القول .. ينقـال
ــــــــــــ هجرك دواك وزايـد ( البُعـد ) طبـك

وش تنتظر بالله .. يـا متعـب الحـال
ــــــــــــ إرحل ولملم .. مـع بقايـاك .. ذنبـك

ماعاد قلبي ينظرك ( عـزّ ) واجـلال
ــــــــــــ لو ( مت ّ ) عنده ترتجي .. ما شعربك

فرصه عطيتك وانتهى وقت ( الامهال )
ـــــــــــــ اعلنت فيها ( للملأ ) مـوت .. حبـك