اجمل قصيدة غزلية

قصيده رائعه كتبها الاخ الهواوي الاجودي من منتدى القصمان..............من اروع ماقرأت من القصائد النبطيه.....................احكموا بنفسكم

بعض الليالي تحدالقلب وتسوقه

................يختار برجوم صدري.. راس شاهقها

وإليا رقا به ولجلج...لج صندوقه

.................لجة ذياب طواها الجوع وارهقها

تشابه البارحه والعين مسروقه

................هم الولايف... وهم الوقت سارقها

ياطولها.. والسهر طبيت في سوقه

................أعد ساعاتها.... واحسب دقايقها

على هنوف... من الخفرات زملوقه

...............تمشي على الهون والفتنه تسابقها

ريمية.. من دفاهاالنار مخلوقه

................يذوب ثلج الشتا.. من حر منطقها

ياحيها بالدلع.. والملح مفروقه

................الرب.. عن باقي الزينات فارقها

ياثقلها..وإن بغيت آقول مطفوقه

................إليااقبلت مزنة.. والغي بارقها

تشتال ليل على المتنين وتشوقه

................ياحلوها... لارمت به فوق عاتقها

وياحلوها كان شفت الخد وبروقه

.................والشمس هي والقمر سكان مفرقها

لااغضت بعين أشقر ترقا به اسبوقه

................شاف الحمامه مع الصقار واطلقها

العين من ضربة الرمشين مصفوقه

...............كن أنشط إعداي من هالخلق صافقها

سميت عليه* ومن تحته ومن فوقه

................من خوف رمح الحسد والغل يزرقها

تتل قلب العنا... ويتل معلوقه

..................لولا ظلوعي ترده... طار لاحقها

ولاكل مطرودة.. من البيض ملحوقه

.................وإلا حرام عليه*.. يوم أفارقها

وش خانة العشق عاشق خان معشوقه

.................لاواعذابي على اللي صرت عاشقها

يلومني.... من جهل بالحب وطروقه

.................ماذاق حمر*..بلاي اليوم ذايقها

ماذاق كاس الهوى.. وابتلت عروقه

................لاصار ظامي.. وبنت الريم عانقها

مرتاح... روحه من التلويع معتوقه

...............ماجاه من شفت بالديره... وعلقها

سميت عليه* ومن تحته ومن فوقه

................من خوف رمح الحسد والغل يزرقها
.................................................. .....................


فعـــلاً قصيده
جميلـــه..

يعطيك العافيه
اخوي((سيف الأسلام))::

المزيــــد...


وهلا ومرحبا..

الاخت الفاضلة ملاك الحزن
شكرا لتعليقك ومرورك
تقبلي تحياتي

جميل ياسيف الاسلام







والف شكر على الانتقاء





البحرررررررررررررررررررررررررررررر

الاخ الكريم البحررررررررررررررررالعذب
الابيات الجميلة تجبر الانسان على نقلها لان فيها فائدة للسمو بالنفس
شكرا لمرورك وتعلبقك
تقبل تحياي