المساعد الشخصي الرقمي

مشاهدة النسخة كاملة : قصيدة تقطع القلب ...@@ وتبكي...@@


 


الهداياااا
28 - 4 - 2005, 11:17 PM
قصيده تقطع القلب...
واحد اسمه خالد جاه مرض و قالوله انه بيموت
كتب الشعر لخوة يقول له فيه
ان يتزوج حبيبته و يبي من أخوة هذا انه يخليها تنساه
اقرأ القصيده والله تستاهل ... وراح تعرف معنى الحب الصادق

وصاتي لك من بعدي ........ تموت فيها علشاني
ابيها تعيش و تحيا بك ........ واظل بالذاكره مفقود
وصاتي لك تنسيها ........ ملامح وجهي و تنساني
وتعزفها قصيدة حب ........ على عكس اللي عزفته بعود
وصاتي لك تبعدها ........ عن اشعاري وقيفاني
تراها مغرمة بالحيل ........ ويشهد لي عدد الردود
وصاتي لك تسايرها ........ ترى فيها من احزاني
طلبتك لايضيق بالك ........ طلبتك والطلب مردود
وصاتي لك تناديها ........ حياتي..عمري..ازماني
انا عودتها دايم ........ ادلعها وانا موجود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى خالد....رحل مايعود
..
..
م
ن
ق
و
ل

..
..
رفيق منتداكم // الهداياااااااا..

اصايل
28 - 4 - 2005, 11:42 PM
الكلمات جميلة جداً ومؤثرة ... والله يعطيك العافية...

ولكن!!!

لا ادري .... هل هناك من يجيد هذا الحب ؟؟؟

في هذا الزمن ...

ام الجود
29 - 4 - 2005, 12:05 AM
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود


والله صحيح تقطع القلب وتجرحه وهذه أكثرهن تاثيراً في نفسي
الهدايااا ماعاد اقرا لك شيئ

حنين
29 - 4 - 2005, 01:05 AM
والله تقطع القلب

لكن هذا حال الدنيا ..


تحياتي

حنين

المشتاق
1 - 5 - 2005, 03:44 AM
شكرا على هذه القيدة الرائعة

عاشق الاسلام
18 - 5 - 2005, 11:09 AM
جزاك الله كل خير

الهداياااا
19 - 5 - 2005, 02:39 AM
هلا ..
اصايل ..
هلا ..
بنت الجود ..
هلا ..
المشتاق ..
هلا..
حنين..
هلا..
حموده ..
مروركم يسر خاطري ..
ويرسم الامل امام قلمي ليرمي كل مابه من حبر ..لينقل لكم بعض المشاعر المحبوسة في داخلي ..
انتم اصدقاء .. ورفقائي في هذا المنتدى ..
لكم التحية والود ..