المساعد الشخصي الرقمي

مشاهدة النسخة كاملة : منقول//البلعاسي يرد على الشراري


 


السلطان
28 - 4 - 2005, 07:10 PM
منقول//البلعاسي يرد على الشراري

--------------------------------------------------------------------------------

قصيده للشاعر عبدالله مصبح العتيقي الشراري يهديها لجماعته الشرارت


فرحتنا عمت والهنا والسعد تم
فضلاً من الله عالمٍ سر غيبه
مبروك ياربعاً على الراي تجزم
فزنا واخذناها ولاهي غريبه
الاربعه بحسابنا مالها كـــم
ولو فيه خامس والله الا نجيبه
حنا ماجينا تونا ونتعلم
حنا لنا في كل الاحوال هيبه
هذي ترا ماهي شراء وبيعة اسهم
أخذ استماره واستماره نهيبه
هذي لنا محسومهٍ قبل تحسم
من دون شك ولابعد فيه ريبه
ياسامعٍ ابيات القصيده ومهتم
عندي رساله والتهاون ضريبه
لاهل طبرجل اوصف الحال واسلم
وسلم عليهم من جميع الكتيبه
قل ربعكم فازوا بتكتيك محكم
ولاهي علينا ياجماعه غريبه
افراحنا صالت وجالت وتلتم
من اول الوادي لآخر شعيبه
ولربعنا بدومه سلاماً معظم
انبارك لهم والزياره قريبه
رد الشاعر حطاب البلعاسي

اهداء الى صناديق الاقتراع


عسى الشتات بداير الحول يلتم
ويالله عسى هذي هي اكبر مصيبه

صحيح ماقال الشراري ويسلم
راع التهاون غير يدفع ضريبه

وش عاد لو قيل الرساله بها سم
حنا نعرف المخطيه والمصيبه

ماشفت بابياته جهاله ولا ذم
بالعكس انا اشوف القصيده (رهيبه)

دام الفخر بالجد والخال والعم
مدح الرجل جماعته مايعيبه

واليوم انا في مدحكم صرت ملزم
والشاعر حميٌاه لازم تجيبه

ان كانها بالطيب والجود والدم
الوايلي محد يشكك بطيبه

الوايلي من تطلبه تنطلق تم
مافكر ب وشلون يقدر يجيبه

وان كانها بالعد والجد واللم
حنا الكثير وغيرنا مانحكيبه

البر منا ضاق والجو واليم
زدنا وابن كلثوم ربي حسيبه

عجزت لااحصيكم ب وادي ولاجم
مافيه فجٍ الا وطيتو شعيبه

تاريخكم حافل وهاماتكم شم
ماعايلٍ الا وصرتوا طليبه

لاصرت بديار عنزه همّل ونم
الدار امينه والمراعي خصيبه
....................................

قلتها وانا ماني بما فات مهتم
يالله عسى هذي هي اكبر مصيبه............................................. ..... ..................................

ألف مبروك لأخواننا الفائزين ونفع الله بهم هذه البلد التي للجميع وحظاً أوفر لمن لم يحالفه الحظ
وكل انتخابات وا نتم بخير.


أخوكم/الشاعر
حطـــــاب البلعـــــــاســـي



منقــــــــــــــــــــــــــــول

بندر الغضيان
28 - 4 - 2005, 07:55 PM
ماشفـت بابياتـه جهـالـه ولا ذم
بالعكس انا اشوف القصيده (رهيبه)

دام الفخـر بالجـد والخـال والعـم
مـدح الرجـل جماعتـه مايعيبـه

الاخ الشاعر عبدالله مصبح الشراري ...نهنئك على هذه القصيده الرائعة ...ولك الحق بإن تفخر بقبيلتك
ونشكر الاخ العزيز حطاب البلعاسي على هذا الرد ..وعلى هذه الكلمات والعبارات الرائعة في قصيدته
ونبارك لاخوننا الفائزين بالانتخابات البلدية ..وندعوا الله لهم بالتوفيق لخدمة بوابة الوطن
وفقكم الله

الهداياااا
28 - 4 - 2005, 08:44 PM
دام الفخـر بالجـد والخـال والعـم
مـدح الرجـل جماعتـه مايعيـبـه

واليوم انا في مدحكم صـرت ملـزم
والشـاعـر حمـيٌـاه لازم تجيـبـه
..
,..؟
..
ومشكور يا حطاب ..
والشراري نبارك له ...عسى ان يكون في عونهم الله من حالفهم الحظ ...

البحر
29 - 4 - 2005, 02:17 PM
نشكر الجميع على القصايد وأنبه على أ ن كل قبيلة تعرف بخصال وصفات وأحوال وصولات وجولات .


وشكر

البحررررررررررر

المشتاق
1 - 5 - 2005, 03:15 AM
ان كانها بالطيـب والجـود والـدم
الوايلـي محـد يشكـك بطيـبـه

الوايلـي مـن تطلبـه تنطلـق تـم
مافكـر ب وشلـون يقـدر يجيبـه

وان كانهـا بالعـد والجـد واللـم
حنـا الكثيـر وغيرنـا مانحكيبـه

البـر منـا ضـاق والجـو واليـم
زدنا وابـن كلثـوم ربـي حسيبـه

عجزت لااحصيكم ب وادي ولاجـم
مافيـه فـجٍ الا وطيتـو شعيـبـه

تاريخكـم حافـل وهاماتكـم شـم
ماعايـلٍ الا وصـرتـوا طليـبـه

لاصرت بديار عنـزه همّـل ونـم
الدار امينـه والمراعـي خصيبـه
....................................

قلتها وانا ماني بمـا فـات مهتـم
يالله عسى هذي هي اكبر مصيبة


الف شكر لك اخي الكريم على هذه المشاركة الرائعة

والف مبروك للفائزين بالانتخابات البلدية

الرااااسي
2 - 5 - 2005, 09:36 PM
قصيدتان رائعتان
والحق كل الحق لكل شاعر ان يهيم بقبيلته وان يفتخر بماضيها وحاضرها دون تجني وتزييف للواقع
والشاعر الأصيل هو الذي لا يظلم حظة بظلم الغير وكل القبائل لها وعليها وهذه سنة الحياة.
واهمس في اذن الشاعر الشراري واقول له ان الواقع والمنطق يحتم ان يفوز اكثر من مرشح شراري بأكبر عدد من الأصوات والسبب يرجع الى الأغلبية وهو معروف لدا الجميع ولم ينكره احد فأكثر من ثلثين سكان القريات هم من قبيلة الشرارت والفوز هنا امر طبيعي جد ًا وكان متوقع ذلك فقبيلة الشرارت هي الاكثرية في هذه البقعة من المملكة وهي منطقة الجوف. وهذا امر لاغبار عليه.
فلو اتجهنا الى حايل مثلا ً لوجدنا المرشحين الفائزين باللإنتخابات البلديه هم من قبيلة شمر التي تسكن حائل وضواحيها ولو اتجهنا الى عرعر او رفحاء لوجدنا اغلبية المرشحين الفائزين هم من قبيلة عنزة لأكثريتهم في تلك البقعة من المملكة.
واقول له والنعم فيك وفي قبيلتك المعروفة بأصلها وكرمها وشجاعتها حالها حال سائر القبائل العربية ولك الحق في التباهي بكل انجاز ومدح قبيلتك ولا احد يستطيع ان ينكر عليك ذلك .
كما اشكر الشاعر البلعاسي على رده الجميل والرائع في الأسلوب وفي التهنئة وفي المدح للجميع.

وحتى لا اوطيل عليكم ابارك للفائزين في الإنتخابات البلدية في القريات وفي غيرها من جميع المدن في المملكة العربية السعودية
ونقول لهم سدد الله خطاكم ووفقكم لكل مايحبه ويرضاه .

ودمتم بكل تقدير واحترام

اخوكم

الرااااسي

جمعان بن عواض
2 - 5 - 2005, 09:52 PM
الشاعـر حميٌـاه لازم تجيـبـه

ان كانها بالطيـب والجـود والـدم
الوايلـي محـد يشكـك بطيـبـه

الوايلـي مـن تطلبـه تنطلـق تـم
رائعة مشكورين على نقلها لنا

سعود العزام
3 - 6 - 2007, 04:30 PM
مبروك للفائزين