المساعد الشخصي الرقمي

مشاهدة النسخة كاملة : أبصبر ... وإن كرهت الصبر باغير عناويني


 


عائض الغامدي
9 - 4 - 2005, 12:18 AM
أنا جيتـك وكلـي شـوق.. مشتاقـة لأحضانـك
أنا جيتك وصحرايه عطش ... تحتـاج تروينـي

أنا جيتـك حبيبـي.. أرتجـي رشفـات تحنانـك
بها تحيي أمـل ميـت .. وتغنـي باقـي سنينـي

أنا لامـن تذكرتـك .. عرفـت إنـك بحرمانـك
تردد كلمتك ليـه ... " حبيبـي مـا رحمتينـي "

ولامن غبت ياروحي .. تـرى مالـي بهجرانـك
ولا ابي تسأل البـرواز " أكيـد إنـك نسيتينـي "

حبيبي لا تكررها .. بعـد ماصـرت مسجونـك
ترى حبـك وأشواقـك .. جنـونٍ ساكـنٍ فينـي

أنا ودي .. أصير الكون أصير أكبر من أحزانـك
أنا ودي ماعاد أسمـع كـلام " انتـي قهرتينـي "

تعال وشوف .. نحسبها .. من اللي صار مجنونك؟
وانا اللي خنـت مبدايـه .. قتلتـه بحـد سكينـي

انا اللي ما اعترف بالحب صرت اليـوم مفتونـك
انا اللي أزهـرت بيـدك ورود أحلـى بساتينـي

أنا اللي ما ابي الماضي لأني عشـت مـن دونـك
ولا أبي تذكـر الماضـي .. إذا ودك تراضينـي

أقـول الله يهنيهـا ... عيـون تناظـر عيونـك
ويهنا من لمس كفك .. وقلـت أرجـوك ضمينـي

معك .. ربي يصبرني علـى طغيـان فرعونـك
أبصبر .. وان كرهت الصبـر باغيـر عناوينـي


الشاعرة / سارية