كما يجب
21 - 10 - 2008, 07:21 PM
على البحيرة
هذا هو العالم الوردي .. طلع اصفر
انا انولدت بزمن ما يفهم ألحاني
شاللي يخلي البشر تعشق وتتغيّر ؟
كأني الوحيد اللي يشوف الحب مجاني
الناس تاهت ولا تهتم بالجوهر
المجني مطلوب منه يشكر الجاني
أكتب كلام .. أشطبه .. من غير ما أشعر
ماودي ان القصيدة مثلي تعاني
ما ودي ان الورق يبكي ويتأثر
ما دام قلبك واهو قلبك .. تناساني
ياللي بفرنسا بطول الدرب تتعذر
يكفيني (صوتك) يطفي بعض نيراني
يكفيني (ايميل) إذا ما ودّك أتفجّر
(صورة) تهدّي جموح أعصاب بركاني
من أربع أعوام أشوف الكون ما يمطر
وانتي بعيدة وانا أمضغ لحم حرماني
من أربع أعوام وضوء الشمس ما أسفر
ماشي لحالي .. أمشط بيدي أحزاني
لا ورد لا غيوم لا أكواخ من سكّر
دورت نفسي ولكن وين ألقاني ؟
إذا نثرتي العبير بساحة (اللوفر)
ترى القصايد متاحف بين أوزاني
وإذا سحرك منظر الغابات والأنهر
كلميني و يسكن (اللوار) شرياني
قارنت بيني وبين (إيفل) طلع أصغر
حتى بغيت أهدمه لوما ترجاني
ياللي شعورك من الفولاذ متحجّر
انا شعوري لعب فيني وأذاني
وين الأميرة أداعب شعرها الأشقر ؟
على البحيرة وأشاغبها وتنهاني
أركض وراها إلى الغابة وتتعثر
تغمزلي وأشيلها وتذوب بأحضاني
ليت الحياة اللي أرسمها على الدفتر
تشبه حياتي بهذا العالم الفاني
شاعري المفضل
ماجد الخالدي
هذا هو العالم الوردي .. طلع اصفر
انا انولدت بزمن ما يفهم ألحاني
شاللي يخلي البشر تعشق وتتغيّر ؟
كأني الوحيد اللي يشوف الحب مجاني
الناس تاهت ولا تهتم بالجوهر
المجني مطلوب منه يشكر الجاني
أكتب كلام .. أشطبه .. من غير ما أشعر
ماودي ان القصيدة مثلي تعاني
ما ودي ان الورق يبكي ويتأثر
ما دام قلبك واهو قلبك .. تناساني
ياللي بفرنسا بطول الدرب تتعذر
يكفيني (صوتك) يطفي بعض نيراني
يكفيني (ايميل) إذا ما ودّك أتفجّر
(صورة) تهدّي جموح أعصاب بركاني
من أربع أعوام أشوف الكون ما يمطر
وانتي بعيدة وانا أمضغ لحم حرماني
من أربع أعوام وضوء الشمس ما أسفر
ماشي لحالي .. أمشط بيدي أحزاني
لا ورد لا غيوم لا أكواخ من سكّر
دورت نفسي ولكن وين ألقاني ؟
إذا نثرتي العبير بساحة (اللوفر)
ترى القصايد متاحف بين أوزاني
وإذا سحرك منظر الغابات والأنهر
كلميني و يسكن (اللوار) شرياني
قارنت بيني وبين (إيفل) طلع أصغر
حتى بغيت أهدمه لوما ترجاني
ياللي شعورك من الفولاذ متحجّر
انا شعوري لعب فيني وأذاني
وين الأميرة أداعب شعرها الأشقر ؟
على البحيرة وأشاغبها وتنهاني
أركض وراها إلى الغابة وتتعثر
تغمزلي وأشيلها وتذوب بأحضاني
ليت الحياة اللي أرسمها على الدفتر
تشبه حياتي بهذا العالم الفاني
شاعري المفضل
ماجد الخالدي