osama fathi
12 - 1 - 2008, 09:10 PM
أحبتى فى الله أرجو منكم مساعدة هؤلاء الاطفال فهم فى حاجه منا جميعا ولو بالكلمه الطيبه . فقد وجدت اثناء بحثى بجوجل منتدى خاص بهؤلاء الاطفال ومن المتوقع والملاحظ بأن جمعيتهم هى التى تدعمهم كما ان هذا المنتدى من المنتديات المجانيه .
فعليكم بالدخول من خلال جوجل وكتابة ( نادى اطفال قرية البرنوجى)
اسم المنتدى
www.barnogiclub.ahlamontada.com
وإليكم جزء من كتابتهم بهذا المنتدى :
احنا اطفال بنعيش فى قرية البرنوجى وهيه قريه تبع مركز دمنهور – بحيره وهيه عباره عن مجموعة ع** ونجوع ويعيش فيها اسر كتيره ولكنها فقيره وجميع الاسربتشتغل بالزراعه وملهمشى دخل غير على الزراعه منهم فلاحين مأجرين أرض ملك ناس تانيه وفلاحين تانين بيشتغلوا فى الزراعه باليوميه والاسر فيها كثيره وأغلبهم فيهم من 4-8 أفراد وأهم الزراعات الغله والارز والبرسيم والفول والقطن واغلب البيوت فيها من الطين والسقف من البوص وخشب الاشجار وفى الشتاء لما الدنيا تشتى يصبح البيت كأنه مالهوش سقف ويتملى البيت بالميه ومتعرفشى البيت براه من جواه .
وفى القريه بعض المشاكل اللى نحب نحكلكم عنها :-
مافيش غير حضانه واحده ومافيش مدارس غير يمكن مدرستين ودول علشان كل الع** والنجوع بتاعة البرنوجى وكمان مافيش مدارس ثانوى خالص وده بيسبب مشاكل كتير للطلاب بسبب انها بعيده خالص عنهم وده بيخليهم يروحوا المدرسه متاخرين ويخللى المدرسين يضربوهم وكمان مافيش اى نشاط فى المدرسه والتخت مكسره ومافيش مدرسين كفايه ومافيش مكتبه .
- انا طفله اسمى دعاء وعندى 11 سنه وانا من قرية الحمديه اللى تبع البرنوجى وانا حبه احكيلكم ان انا تعبانه قد ايه فى المدرسه علشان انا مرحتش الحضانه خالص وده مش علشان انا كنت مش عاوزه اروح الحضانه لكن علشان مافيش عندنا حضانه فى القريه بتاعتى وانا دلوقتى فى سنه 6 ابتدائى ومستوايا مش كويس خالص والمدرسين بيضربونى على طول وانا ببقى مكسوفه من صحابى اللى معايا فى الفصل علشان همه اشطر منى علشان همه راحوا الحضانه علشان كده انا قولت لامى وابويه يودوا اخويه الصغير فى الحضانه بدل ما يقعد فى الشارع ويلعب فى الطينه وانا كنت مستعده اخده معايا وانا رايحه المدرسه بس ابويه مرضاش علشان هوه خايف على اخويه من المشوار بتاع الحضانه علشان هى فى ع**ه تانيه بعيده عننا .
- انا طفله اسمى مروه وعندى 12 سنه وليه اخت اسمها فاطمه كانت بتروح المدرسه ووصلت ل 3 اعدادى لكن علشان المدرسه بعيده وكان اهلى بيخافوا
عليها طلعت من المدرسه وقعدت منها وعلى طول اتجوزت وخلفت أولاد . ودى بقت مشكله كبيره عندنا علشان كل البنات أكترهم خرج من المدرسه .
- انا اسمى هناء محمود عندى 14 سنه من ع**ة سراندو انا كنت ببقى خايفه من الطريق وانا مروحه من المدرسه لما كنت فى فترة بعد الظهر وكمان اهلى كانوا بيبقوا قلقلين عليه وعلشان خاطر كده طلعونى من المدرسه .
- انا اسمى محمد حسن عندى 13 سنه عندى اخت اسمها مريم لما كانت فى مدرسه تجاره فى دمنهور وهيه راجعه من المدرسه بعد المغرب علشان مدرستها بعيده عن ع**تنا 25 كيلو وكمان بتمشى على رجلها 3 كيلو تانين خرج عليها شوية ولاد صيع وجروا وراها لومه ستر ربنا لحقها ولاد تانين بس كويسين خلصوها منهم من بعدها وابويا مرضاش يوديها المدرسه تانى وخلاها فى البيت .
- انا اسمى خالد مصطفى عندى 11 سنه علشان مدرستى بعيده عن الع**ه اللى انا فيها 3 كيلو فكنت انا واصحابى بنروح المدرسه ماشيين ولو وقفنا نستنى عربيه بنقف وقت كتير خالص والعربيات مابترضاش تقفلنا فعلشان نروح المدرسه لازم نقوم من الساعه 6 الصبح ولما بنوصل المدرسه بنوصل تعبانين من المشوار بتاعنا وكمان لو ركبنا عربيه بتبقى زحمه خالص حتى عندنا ولد صاحبنا اسمه احمد فؤاد عنده 13 سنه كان راكب فى العربيه فوقع من كتر الزحمه على راسه انفتحت وخيطها عند الدكتور وربنا ستر . وكمان فى بنت اسمها اسماء سعيد عندها 12 سنه بتروح المدرسه ماشيه وبترجع ماشيه وهيه راجعه جاتلها ضربة شمس ووقعت على الارض ورقدت . كمان لما بنروح المدرسه متأخرين المدرسين بيضربونا .
- انا اسمى فاطمه عبد العزيز عندى 14 سنه انا طلعت من المدرسه من سنه 3 ابتدائى علشان انا كرهت المدرسه من كتر ضرب المدرسين كان فى مره مدرس بيسالنى سؤال معرفتش اجاوب عليه قام ضربنى بالعصايه على راسى جامد واتعورت جامد ومن يومها وانا بكره المدرسه ومرحتش تانى بس انا زعلانه علشان انا دلوقتى مش بعرف افك الخط وصحابى بيعرفوا يقراوا .
واحنا الاطفال بنطلب من جمعية البرنوجى وكمان بتوع التعليم انهم يبصولنا شويه ويسعدونا ويخلصونا من المشكله دية علشان اهلنا مايخلوناش نقعد فى البيت واحنا نفسنا نتعلم ونبقى كويسين .
كمان مافيش عندنا لا مستشفى ولا عيادات غير الوحده الصحيه اللى مافيهاش غير دكتور واحد بس بتاع كل حاجه وكمان مفيهاش اى خدمات ومفيش اى اهتمام بالصحه هنا وكمان الناس هنه غلابه وربنا بيسترها معاهم .
- انا اسمى صدام وعندى 14 سنه كان عندى مغص كلوى فى شهر رمضان اللى فات بالليل وعلشان كانت الوحد الصحيه قافله بالليل فراحت امى لجارتنا ولقت عندها حبوب للمغص فدتهانى والحمد الله صحيت .
- انا اسمى عمر منصور عندى 15 سنه وانا عندى اخت اسمها تهانى عندها 8 سنين كانت عيانه قوى وده كان بالليل وعشان مافيش مستشفى عندنا اخدناها ورحنا بيها مستشفى دمنهور اللى بتبعد عنا بحوالى 25 كيلو وهيه تعبانه خالص وعشان مكشفناش عليها على طول ماتت .
- انا اسمى منال حسين عندى 13 سنه كان عندنا وليه اسمها مسعوده سعد ابو عيسى كان عندها تعب جامد وهيه كمان كبيره فى السن عندها حوالى 55 سنه وهيه كانت بتتعب على طول فى ليله تعبت على بال ما جابولها عربيه وركبوها وودوها للدكتور قالهم البقيه فى حياتكم علشان كده بعد المستشفيات دى من اكبر المشاكل عندنا.
- انا اسمى ايمان جمال عندى 13 سنه عندنا جارتنا اسمها عواطف جمعه عندها 32 سنه كانت حامل وجت تولد الساعه 3 فى الليل فجبولها الدايه علشان خاطر مفيش عندنا مستشفى فى القريه وهيه بتولدها تعبت خالص فماتت وهيه بتولد . علشان كده ياريت جمعية البرنوجى وبتوع الصحه يساعدونا علشان احنا تعبانين خالص .
كمان احنا عندنا مشكله كبيره خالص وهيه مافيش عندنا مية شرب فى بيوتنا علشان كده احنا بنعانى من انه مافيش ميه نظيفه نشرب منها علشان صحتنا تكون كويسه ومافيهاش مرض
- انا طفل اسمى احمد مصطفى عندى 12 سنه احنا عندنا فى البيت طلمبه بطلع ميه انا واخواتى بنشرب منها وعشان كده انا عيان وبتعالج من الحصوه واحنا اسره فقيره خالص يعنى معناش فلوس علشان نكشف ونروح للدكتور كل شهر او كل 5 شهور علشان نعمل عملية الحصوه .
- انا اسمى صباح فتحى عندى 12 سنه كل ما بروح نملى الميه من الحنفيه اغيب بالساعتين والتلاته فكنت بروح المدرسه الصبح وبجى على الحنفيه بعد الظهر وده اثر على مذكرتى وكمان سقط السنه اللى عدت علشان كنت برجع البيت تعبانه وماكانشى عندى وقت اذاكر .
- انا اسمى دينا جمال عندى 14 سنه بروح للحنفيه وهيه بعيده عن الدار وبنملى حله واشيلها على راسى والميه بتتلوث من الركنه وكمان بنروح نملى من حتت بعيده عنا ودى بتأثر على مذكرتى ودروسى .
- انا اسمى هدى حسن عندى 15 سنه وانا من ع**ة البرنوجى عندنا مشكله كبيره وهيه ان عندنا اثار فى ع**تنا علشان كده احنا مش عارفين ندخل ميه لبيوتنا علشان بتوع الاثار رفضين يخلونا ندخل ميه لبيوتنا وكلمنا ناس من بتوع مجلس الشعب وكانوا بيوعدونا انهم يحلولنا المشكله دية وطبعا" كان كلام وبس ومافيش حاجه بتتعمل واحنا دلوقتى تعبانين خالص ومش عارفين نعمل ايه لكن من بعد ما علمتونا اننا لازم نعرف نحاول نحل مشاكلنا بنفسنا علشان كده احنا حنحاول نتفق مع بعضنا ونوصل صوتنا لكل الناس وحنشتكى لكل الدنيا .
وكمان نحب نكلمكم عن الصرف الصحى فى قريتنا ودى بقى مشكله كبيره خالص لينا علشان كل الناس بترمى الميه الوسخه وال**اله والحيوانات الميته فى المصرف وده بيسببلنا امراض كتيره وده غير الناموس والريحه الوحشه وكمان العيال الصغيره بتلعب فى الميه الوحشه فتجبلهم امراض .
- انا اسمى صلاح عوض عندى 13 سنه ابن خالتى اسمه محمود عادل عنده 5 سنوات كان بيلعب قدام الدار فوقع فى المصرف وفضل فيه 10 دقائق لولا ان اخواته شافوه وطلعوه كان مات وماحدش حس بيه .
كمان كان فى عيل صاحبى اسمه محمد جلال عنده 14 سنه كان راكب عجله وماشى بيها قبل المغرب فوقع فى المصرف وانكسرت رجله وراح للدكتور وجبسهاله .
- انا اسمى مدحت ابراهيم عندى 11 سنه فيه جنب دارنا مصرف به **اله كتيره علشان الناس بترمى فيه ال**اله والصرف بتاع الطلمبات واحنا مش بنعرف ننام بسبب الريحه والذباب والناموس اللى بيجلنا بسبب المصرف ده واللى بيجبلنا المرض كمان . والمشكله دية مش حاتخلص إلا لما الناس تبطل ترمى الحاجات الوسخه والميته فى المصارف وكمان تساعدنا الجمعيه وتردملنا المصارف دية وكمان الوحده الصحيه مفروض انها تعمل محاضر للناس اللى بترمى الوساخه من غير ما حد يقلها حاجه .
فعليكم بالدخول من خلال جوجل وكتابة ( نادى اطفال قرية البرنوجى)
اسم المنتدى
www.barnogiclub.ahlamontada.com
وإليكم جزء من كتابتهم بهذا المنتدى :
احنا اطفال بنعيش فى قرية البرنوجى وهيه قريه تبع مركز دمنهور – بحيره وهيه عباره عن مجموعة ع** ونجوع ويعيش فيها اسر كتيره ولكنها فقيره وجميع الاسربتشتغل بالزراعه وملهمشى دخل غير على الزراعه منهم فلاحين مأجرين أرض ملك ناس تانيه وفلاحين تانين بيشتغلوا فى الزراعه باليوميه والاسر فيها كثيره وأغلبهم فيهم من 4-8 أفراد وأهم الزراعات الغله والارز والبرسيم والفول والقطن واغلب البيوت فيها من الطين والسقف من البوص وخشب الاشجار وفى الشتاء لما الدنيا تشتى يصبح البيت كأنه مالهوش سقف ويتملى البيت بالميه ومتعرفشى البيت براه من جواه .
وفى القريه بعض المشاكل اللى نحب نحكلكم عنها :-
مافيش غير حضانه واحده ومافيش مدارس غير يمكن مدرستين ودول علشان كل الع** والنجوع بتاعة البرنوجى وكمان مافيش مدارس ثانوى خالص وده بيسبب مشاكل كتير للطلاب بسبب انها بعيده خالص عنهم وده بيخليهم يروحوا المدرسه متاخرين ويخللى المدرسين يضربوهم وكمان مافيش اى نشاط فى المدرسه والتخت مكسره ومافيش مدرسين كفايه ومافيش مكتبه .
- انا طفله اسمى دعاء وعندى 11 سنه وانا من قرية الحمديه اللى تبع البرنوجى وانا حبه احكيلكم ان انا تعبانه قد ايه فى المدرسه علشان انا مرحتش الحضانه خالص وده مش علشان انا كنت مش عاوزه اروح الحضانه لكن علشان مافيش عندنا حضانه فى القريه بتاعتى وانا دلوقتى فى سنه 6 ابتدائى ومستوايا مش كويس خالص والمدرسين بيضربونى على طول وانا ببقى مكسوفه من صحابى اللى معايا فى الفصل علشان همه اشطر منى علشان همه راحوا الحضانه علشان كده انا قولت لامى وابويه يودوا اخويه الصغير فى الحضانه بدل ما يقعد فى الشارع ويلعب فى الطينه وانا كنت مستعده اخده معايا وانا رايحه المدرسه بس ابويه مرضاش علشان هوه خايف على اخويه من المشوار بتاع الحضانه علشان هى فى ع**ه تانيه بعيده عننا .
- انا طفله اسمى مروه وعندى 12 سنه وليه اخت اسمها فاطمه كانت بتروح المدرسه ووصلت ل 3 اعدادى لكن علشان المدرسه بعيده وكان اهلى بيخافوا
عليها طلعت من المدرسه وقعدت منها وعلى طول اتجوزت وخلفت أولاد . ودى بقت مشكله كبيره عندنا علشان كل البنات أكترهم خرج من المدرسه .
- انا اسمى هناء محمود عندى 14 سنه من ع**ة سراندو انا كنت ببقى خايفه من الطريق وانا مروحه من المدرسه لما كنت فى فترة بعد الظهر وكمان اهلى كانوا بيبقوا قلقلين عليه وعلشان خاطر كده طلعونى من المدرسه .
- انا اسمى محمد حسن عندى 13 سنه عندى اخت اسمها مريم لما كانت فى مدرسه تجاره فى دمنهور وهيه راجعه من المدرسه بعد المغرب علشان مدرستها بعيده عن ع**تنا 25 كيلو وكمان بتمشى على رجلها 3 كيلو تانين خرج عليها شوية ولاد صيع وجروا وراها لومه ستر ربنا لحقها ولاد تانين بس كويسين خلصوها منهم من بعدها وابويا مرضاش يوديها المدرسه تانى وخلاها فى البيت .
- انا اسمى خالد مصطفى عندى 11 سنه علشان مدرستى بعيده عن الع**ه اللى انا فيها 3 كيلو فكنت انا واصحابى بنروح المدرسه ماشيين ولو وقفنا نستنى عربيه بنقف وقت كتير خالص والعربيات مابترضاش تقفلنا فعلشان نروح المدرسه لازم نقوم من الساعه 6 الصبح ولما بنوصل المدرسه بنوصل تعبانين من المشوار بتاعنا وكمان لو ركبنا عربيه بتبقى زحمه خالص حتى عندنا ولد صاحبنا اسمه احمد فؤاد عنده 13 سنه كان راكب فى العربيه فوقع من كتر الزحمه على راسه انفتحت وخيطها عند الدكتور وربنا ستر . وكمان فى بنت اسمها اسماء سعيد عندها 12 سنه بتروح المدرسه ماشيه وبترجع ماشيه وهيه راجعه جاتلها ضربة شمس ووقعت على الارض ورقدت . كمان لما بنروح المدرسه متأخرين المدرسين بيضربونا .
- انا اسمى فاطمه عبد العزيز عندى 14 سنه انا طلعت من المدرسه من سنه 3 ابتدائى علشان انا كرهت المدرسه من كتر ضرب المدرسين كان فى مره مدرس بيسالنى سؤال معرفتش اجاوب عليه قام ضربنى بالعصايه على راسى جامد واتعورت جامد ومن يومها وانا بكره المدرسه ومرحتش تانى بس انا زعلانه علشان انا دلوقتى مش بعرف افك الخط وصحابى بيعرفوا يقراوا .
واحنا الاطفال بنطلب من جمعية البرنوجى وكمان بتوع التعليم انهم يبصولنا شويه ويسعدونا ويخلصونا من المشكله دية علشان اهلنا مايخلوناش نقعد فى البيت واحنا نفسنا نتعلم ونبقى كويسين .
كمان مافيش عندنا لا مستشفى ولا عيادات غير الوحده الصحيه اللى مافيهاش غير دكتور واحد بس بتاع كل حاجه وكمان مفيهاش اى خدمات ومفيش اى اهتمام بالصحه هنا وكمان الناس هنه غلابه وربنا بيسترها معاهم .
- انا اسمى صدام وعندى 14 سنه كان عندى مغص كلوى فى شهر رمضان اللى فات بالليل وعلشان كانت الوحد الصحيه قافله بالليل فراحت امى لجارتنا ولقت عندها حبوب للمغص فدتهانى والحمد الله صحيت .
- انا اسمى عمر منصور عندى 15 سنه وانا عندى اخت اسمها تهانى عندها 8 سنين كانت عيانه قوى وده كان بالليل وعشان مافيش مستشفى عندنا اخدناها ورحنا بيها مستشفى دمنهور اللى بتبعد عنا بحوالى 25 كيلو وهيه تعبانه خالص وعشان مكشفناش عليها على طول ماتت .
- انا اسمى منال حسين عندى 13 سنه كان عندنا وليه اسمها مسعوده سعد ابو عيسى كان عندها تعب جامد وهيه كمان كبيره فى السن عندها حوالى 55 سنه وهيه كانت بتتعب على طول فى ليله تعبت على بال ما جابولها عربيه وركبوها وودوها للدكتور قالهم البقيه فى حياتكم علشان كده بعد المستشفيات دى من اكبر المشاكل عندنا.
- انا اسمى ايمان جمال عندى 13 سنه عندنا جارتنا اسمها عواطف جمعه عندها 32 سنه كانت حامل وجت تولد الساعه 3 فى الليل فجبولها الدايه علشان خاطر مفيش عندنا مستشفى فى القريه وهيه بتولدها تعبت خالص فماتت وهيه بتولد . علشان كده ياريت جمعية البرنوجى وبتوع الصحه يساعدونا علشان احنا تعبانين خالص .
كمان احنا عندنا مشكله كبيره خالص وهيه مافيش عندنا مية شرب فى بيوتنا علشان كده احنا بنعانى من انه مافيش ميه نظيفه نشرب منها علشان صحتنا تكون كويسه ومافيهاش مرض
- انا طفل اسمى احمد مصطفى عندى 12 سنه احنا عندنا فى البيت طلمبه بطلع ميه انا واخواتى بنشرب منها وعشان كده انا عيان وبتعالج من الحصوه واحنا اسره فقيره خالص يعنى معناش فلوس علشان نكشف ونروح للدكتور كل شهر او كل 5 شهور علشان نعمل عملية الحصوه .
- انا اسمى صباح فتحى عندى 12 سنه كل ما بروح نملى الميه من الحنفيه اغيب بالساعتين والتلاته فكنت بروح المدرسه الصبح وبجى على الحنفيه بعد الظهر وده اثر على مذكرتى وكمان سقط السنه اللى عدت علشان كنت برجع البيت تعبانه وماكانشى عندى وقت اذاكر .
- انا اسمى دينا جمال عندى 14 سنه بروح للحنفيه وهيه بعيده عن الدار وبنملى حله واشيلها على راسى والميه بتتلوث من الركنه وكمان بنروح نملى من حتت بعيده عنا ودى بتأثر على مذكرتى ودروسى .
- انا اسمى هدى حسن عندى 15 سنه وانا من ع**ة البرنوجى عندنا مشكله كبيره وهيه ان عندنا اثار فى ع**تنا علشان كده احنا مش عارفين ندخل ميه لبيوتنا علشان بتوع الاثار رفضين يخلونا ندخل ميه لبيوتنا وكلمنا ناس من بتوع مجلس الشعب وكانوا بيوعدونا انهم يحلولنا المشكله دية وطبعا" كان كلام وبس ومافيش حاجه بتتعمل واحنا دلوقتى تعبانين خالص ومش عارفين نعمل ايه لكن من بعد ما علمتونا اننا لازم نعرف نحاول نحل مشاكلنا بنفسنا علشان كده احنا حنحاول نتفق مع بعضنا ونوصل صوتنا لكل الناس وحنشتكى لكل الدنيا .
وكمان نحب نكلمكم عن الصرف الصحى فى قريتنا ودى بقى مشكله كبيره خالص لينا علشان كل الناس بترمى الميه الوسخه وال**اله والحيوانات الميته فى المصرف وده بيسببلنا امراض كتيره وده غير الناموس والريحه الوحشه وكمان العيال الصغيره بتلعب فى الميه الوحشه فتجبلهم امراض .
- انا اسمى صلاح عوض عندى 13 سنه ابن خالتى اسمه محمود عادل عنده 5 سنوات كان بيلعب قدام الدار فوقع فى المصرف وفضل فيه 10 دقائق لولا ان اخواته شافوه وطلعوه كان مات وماحدش حس بيه .
كمان كان فى عيل صاحبى اسمه محمد جلال عنده 14 سنه كان راكب عجله وماشى بيها قبل المغرب فوقع فى المصرف وانكسرت رجله وراح للدكتور وجبسهاله .
- انا اسمى مدحت ابراهيم عندى 11 سنه فيه جنب دارنا مصرف به **اله كتيره علشان الناس بترمى فيه ال**اله والصرف بتاع الطلمبات واحنا مش بنعرف ننام بسبب الريحه والذباب والناموس اللى بيجلنا بسبب المصرف ده واللى بيجبلنا المرض كمان . والمشكله دية مش حاتخلص إلا لما الناس تبطل ترمى الحاجات الوسخه والميته فى المصارف وكمان تساعدنا الجمعيه وتردملنا المصارف دية وكمان الوحده الصحيه مفروض انها تعمل محاضر للناس اللى بترمى الوساخه من غير ما حد يقلها حاجه .