الله يفرج كرب وهم اللي يفتح موضوعي حتى لو ما قدر يساعدني

[بيلسان الورد]

تكفون يا معلمات الاقتصاد ساعدوني قبل يوم السبت

كم دخلت هنا وطلبت ومحد عبرني

ابغى طلب ساعدوني فيه انا معلمه اقتصاد منزلي جديده وتخصصي تاريخ وماني فاهمه في الخياطه شي

والمصيبه الموجهه تقول تبغى تحضرلي معى المديره السبت تكفون ساعدوني


ابغى تعلموني وش اسوي من وسيله للعرض والمقدمه وش الوسائل ووحده من المدرسات تقول لو تسوين عرض بور بوينت لخطوات او اشكال الغرزه بس ما لقيت اللي عندها عروض او خطوات تساعدني بها

لاني قد طلبت ميه مره وما لقيت

الدرس هو غرزه الشلاله لسنه سادس

فيه اخت اسمها اريج البنفسج جزاها الله خير حاطه الخطوات سير الابره بس صور ابغى الله يجزاكم خير خطوات الغرزه الثلاث

ساعدوني الله يفرج عليكم

[بيلسان الورد]

وش دعوه يا حافظ 6 يدخلون ولا حتى يرفعون الموضوع يا جماعه ليش احنا المعلمات بيننا حسد بينما شوفوا المعلمين كل واحد عنده يعطيه وشوفوا بقيه الاقسام كيف متعاونات اما انتم صدمتوني وربي ان هذي رابع مره اطلب وبس معلمات الاقتصاد اللي ما يردون

الله يسامحكم

[وعـــــــــــد]

المقدمه :
عباره عن الغاز
مثل شيء نراه في المنتزهات بكثره الاجابة شجر

لا نستطيع الخياطه الا بها الاجابه ابره
وهكذا
ثم تكتبي الاجابات على السبورة وجمع التلميذات الحروف الاولى مكونه اسم الغرزة

[الدرة الثمينه]

انا اساعد يالغاليه بس راسليني على الخاص

[رسامه]

ياعمري انا مدرسة اقتصاد مع وقف التنفيذ المهم ابغى اساعدك بلي اعرفه اول شي بانسبه للوسيله اوضح
وسيلة انك تنفذي الغرزه بمراحلها بخيط واضح وكبير والابرة كمان تكون واضحه حتى لو استخدمتي اعواد
الاسنان تنفذيها على قماش الكنفة ويكون لونه مخالف للون الخيط حتى يوضح للطالبة وتكون كل مرحله بقطعة لوحدها وثبتيهم على لوحة ورقميهم واشرحيها للبنات مع شرحك يعني تجيبين خيط وووووووواضح
وتلصقين قطعة القماش على السبورة بشطرطون وتبدين بشرح طريقة عمل الغرزة كتالي اولا توضحيلهن ان ول شي نعمل غرزة التثبيت توضحينها كيف معموله على الوحة ثم تبدئين بعملها امامهن على القماش المعلق على السبورة**0وهكذا خطوه بخطوة الى النهايه
ولازم قبل الشرح توضحين ان الغرزه تبداء من اليمين لليسار وانها تشبه غرزة السراجه بس اصغر منها وتورينهم نموذج لغرزة السراجه ونموذج لغرزة الشلالة وان شكلها من الخلف يشبه شكلها من الامام
وتورينهم نماذج مسويتها بغرزة الشلالة مثل مامكتوب عن ا ستعمالتها في الدرس
اتمنى اكون ساعدتك ولو بشي بسيط
تكفين طمنيني كيف درسك

[بيلسان الورد]

وعد
رسامه

الله يفرج كربكم ويفك عنكم كل هم مشكورات يا غاليات

[رفاق]

الدرس مررة سهل بس لاتخافين
انا عملت المقدمة عبارة عن بطاقات فيها اسماء بنات مثل امل / ليلي / شوق / لبنا / لينا / هدى
وتجمع الطالبة اول حرررروف الاسماء وتصبح الشلالة .
اما بالنسبة لخطوات العمل فانا غيرت من الشرائح على البور وحطيت خطوات العمل على بالونات تقوم الطالبة باختيار الخطوات حسب الترقيم ثم بعد تنفيذ الخطوة من قبل التلميذات تقوم التلميذة بفرقعة البالونة وهكذا نكون قد اجتزنا الخطوة الاولى وهكذا

واتمنى لك التوفيق

[بيلسان الورد]

رفاق
الف الف شكر من جد والله انكم روووووووووووعه

[كراميله]

اختي بيلسان
غرزة الشلالة من اسهل الغرز للصف السادس
واريج البنفسج منزلة تحضير هذي الغرزة

وانا اخذت فكرة المقدمة ( اسم الماء المنهمر من اعلى الجبل .......... ثم اضيفي تاء مربوطة تحصلي على اسم الغرزة لدرس اليوم )
وبالنسبة للتطبيق انا مقسمة البنات مجموعات واشرح لكل مجموعة وحدها بينما المجموعات الثانية يحضروا الادوات
وزي ما قالوا البنات فوق لازم تستعملي خيط صوف مخالف للون القماش وابرة كبيرة مع قماش ايتامين علشان يكون العمل واضح لهم
وطبعا احضري لهم فستان طفلة يكون فيه كشكشة علشان يكون وسيلة اضافية

.
.
.
اتمنى اكون افدتك
ونحن بالخدمة اذا بغيتي شي راسليني على الخاص
لاني انسى كثير


انا صراحة تعبت مع غرزة الكفافة احسها صعبة على البنات
ولا اتقنوها زين
.
.
.

اتمنى تخبرينناا وش صار معك
.
.

[*زود الغلا*]

للرفع

[المنتصربالله]

ماااااااااااااااااشاااااااااء الله على التعارن**
سرني تعاونكن وأستفدت كثيييييييييييير**الله يجزاكن خيييييييييييير**
الله يسعدكن قولوا آآآآآآآآآآآآآآآآآآمييييييييييييييين**

[الصندوق المغلق]

انا مثلك بعد اسبوع باطبق للمتوسط
ولااعرف وش اسوي