♥♥_இணஇ∫∫‗√قصيدة√ياسر√التويجري√‗∫∫இணஇ_♥♥ [الأرشيف]

الصحفي

13 - 2 - 2007, 07:59 PM

♥♥_இணஇ∫∫‗√قصيدة√ياسر√التويجري√‗∫∫இணஇ_♥♥

صباااح الخير على الكل ,,,,

قصيدة من جد رووووووعه....

ولدت ساطـي ومتغطـرس وأحـب الخصـام
ولا أعـتــرف فـــي إدارة طـبــع والا مـديــر

أوجـدت نفسـي مـن الـلاشـي والانـعـدام
نـبـذت فالمجتـمـع لانـــي صـريــح وفـقـيـر

ماكـان تفكيـري الا كيـف أخـطـف السـنـام
والحـمـد لله خطـفـت الـيـوم كـــل البـعـيـد

إن لـم يـكـن مـركـزي بالـصـف الاول أمــام
ماعـاد تفـرق معـي لـو كنـت قبـل الاخـيـر

الله أكــــبــــر ولله الــبـــقـــاء والــــــــداوم
وهـو الالـه الاحــد وهــو السمـيـع البصـيـر

أخـذت مـن مدرسـة أحمـد عليـه السـلام
مــالا خذيـتـه مــن مـخـاوى وزيـــر وامـيــر

وأخــذت مــن تـجـربـة عبدالـعـزيـز الامـــام
وش يصنـع العلـم لاخـاواه سـيـف شطـيـر

واخـذت مـن فلسفـة هتلـر عـدم اللالتـزام
وكسبت نفسـي وريحـت القلـق والضميـر

وابـشـرك حـالـتـي دايـــم عـلــى مـايــرام
مــن ركعتـيـن الفـجـر الـيـن بـعــد الاخـيــر

صحيـح عنـدي تحفـظ علـى بـعـض الانــام
مـثـل معـمـر وابـــو مـــازن وتـونــي بـلـيـر

لــكــن انــــا مــااحــب اقــلــل الاحــتــرام
واذهـب ضحيـة طمـوح الغـرب وانــا صغـيـر

قوميـة المسلمـيـن الـلـي عليـهـا الـكـلام
راحـت معـا خالـد وعـمـرو وعـلـي والزبـيـر

الله ولا ذل والــتــخـــويـــن والانـــــهـــــزام
ياعابـديـن الـعـروش الـوضـع جـــدا خـطـيـر

يابـو خلـف كيـف حالـك عــل حـالـك تـمـام
انسى القصيدة وهات علوم اخـوي الكبيـر

شـيـخ عرفـتـه وتقريـبـا لــي اربــع اعــوام
يـومـنـي اجـيــه لا جــايــر ولا مسـتـجـيـر

يشوقني له نشوق الوسـم عقـب الحيـام
فــي صـفـرة جـوهـا مـاهـو بـفـيـة هـديــر

الشـيـخ ابــو خـالـد محـمـد عــداه الـمـلام
الـلـي يصـيـر مــن الاصـــرار مـــالا يـصـيـر

حـــد الثـمـالـه اعـــزه لا عــلــي الــحــرام
انـــي احـبــه وحـــبٍ لـــو درابــــه يـطـيــر

يطيـر مثـل الوحـش لاضـف ريـشـه وحــام
وحـول علـى الذايـره بالـجـو مـثـل المغـيـر

ان الـمـلـوك اذا اعــطــوك حــــب وغــــرام
خلـوك مــن سـائـر الـخـدام يعـنـي خفـيـر

الا انـــت يـاراعــي الـتـقـديـر والاهـتـمــام
ياللي رحمت الصغير وشلت هـم الكسيـر

اذا الـبــلاط الامـيــري والـكـنـب والـرخــام
لـه شاعـر يدهلـه فــي صـبـح والا عصـيـر

فـانـا دهـلــت الـثـريـا و الـقـمـر و الـغـمـام
وحولت اداهم طرف مشلحك مالي خشير

كــفــرت بالـنـاقـصـه والــغــدر والانـتــقــام
وامـنـت بـاانـك حـزامـي بالنـهـار العـسـيـر

مــن لايـقـدر ثبـاتـك مــع عـكــاك الـزحــام
ماهـو بــوالله مـقـدر ويــش معـانـي جـريـر

يارا س عيطا يـا مسـك البـدء قبـل الختـام
يالنـادر اللـي علـى صيـد المكـارم شهـيـر

يالمـهـدي المنتـظـر بالحاجتـيـن الجـسـام
الـمـدة المسكـتـه والاخـــذ بـيــد الـضـريـر

ياسيـدي ودي افهـق لــكـ ضـلـوع العـظـام
واعطيـك شـي بصـدري وانـت رجـل خبيـر

انـاتـرانـي اعـانــي نـــوب مــــن انـفـصــام
يوثر على البرمجة فـي راسـي المستديـر

واصيـر احـس انــي الـبـارود والا الحـسـام
في ساحة الشعر من تبوك لاقصى عسير

مـمـا يسـبـب لبـعـض اعـدائـي الاحـتــدام
اللي يحسبون قرض الشعـر مثـل الشعيـر

والشعـر وان كانـه المقـصـود بــاول مـقـام
فالله يـرحـم ابــو الـطـيـب ويـرحــم زهـيــر

روح التنـافـس وحــب الشـيـخ والانضـمـام
ماهـي بتعنـي لـدى الكثـرة نهـايـة مصـيـر

والشاعـر اللـي معـه عـزوة خـوال وعـمـام
تـفـداه وايـــل وتـرقــب مسـتـعـدة مـطـيـر

والله فــــلا يـنـقـهـر والا يـضـيــق ويــضــام
لاجـاء الـلـزز والمـلاقـى والقـبـس والنـذيـر

وجمع الدراهم ماهي باكبـر طمـوح الغـلام
اللي جمـع مـن قلـوب النـاس شـي كثيـر

مـن حبـنـي رغــم تفويـتـي لــه الانـخـدام
واللي كرهنـي فهـذا شخـص ملعـون صيـر

دام الـمـعــارك صـغـيــره ماعـلـيـنـا لــــزام
يـنـوب عــن سيـفـي البـتـار اصـغـر جفـيـر

قـــرات فيمـاقـراتـه مـــن بــلــوغ الــمــرام
الـلـي تــرك شـــي لله عـاضــه الله بـخـيـر

قصيده للشاعر ياسر التويجري في برنامج [ شاعر المليون ]

مـــــــــــــــــــــــنـــــــــــــــــــــــقـ ــــــــــــــــــــــول