برقيه

[راعي الشيوخ]

حال بعض هواة البر
نسال الله السلامه








طلعـت للـبـر يـاعـزوزاوسـع الـبـال عصـريـه
لقيت خيمـه سفاهـا القـوزبيـديـن رفــلان مبنـيـه
اصحابها وضعهـم مهـزوزشـلـة شـبـابٍ عمـاويـه
جميعهـم لابسيـن جـنـوزوبالـروس قصـات غربيـه
اطيبهم اللي كمـا المنحـوزفـي حـال ماهـي طبيعيـه
يكـح ومعسـلـه مـركـوزومقـرطٍ فـي طـرف ليـه
وقدمه صحن فيه حب ولـوزبالفصفـص تقرقـع لحـيـه
غداهـم التسـت والمالتـوزوعلبـة حـلاوه طحينـيـه
والـدش قدامهـم مــرزوزوطـبـول والآت فـنـيـه
وشبوطٍ اشهب قصيّـر بـوزماللـقـرم فـيـه مـاريـه
سلمت ثـم همهمـوا بلغـوزماوحيـت ترحيـب وتحيـه
قلت العوايد ذهـب وكنـوزويـن السلـوم الخليجـيـه؟
قالوا لي ابليز منهـا جـوزبـلـى عـوايـد بـدائـيـه
خلك شبابـي ومعنـا فـوزبرحـلات بـرٍ حضـاريـه
ومن القهر طق فـيّ فيـوزوبغيـت اســل القديمـيـه
قلت ايه.. اجل خبزكم مخبوزوالبـر يبـغـى شقـرديـه
يبي الـذي يبعـدون النـوزودايـم وهـم نارهـم حيـه
فيها الغضى بالحزم مكـزوزودلالهـم حـيـد مركـيـه
ومعهم حرارا تـرد الحـوزشـقـرٍ تسـمـى نـداويـه
ماسامـروا مثلكـم فيـروزعلـى القـنـاة الفضائـيـه
قالوا كلامك هـذا مايجـوزويـن الصفـات الرياضيـه
البر ماهـو لحـد محجـوزلاتكثـر الـهـرج مولـيـه
وش فيك كنك لنـا مـدزوزواظنـهـا نيـتـك نـيــه
تروزنا ماحصـل لـك روزننصحك تمشـي مـن هنيـه
قلت ابـك مايذبـح العكـوزياهـل الشبـوح الدنـاويـه
ومشيت والقلب فيه حـزوزوفى الكبد كيـه علـى كيـه
الى متـى وضعنـا مهـزوزونقلـد الغـرب فـي غيـه
للمرجلـه ياشبـاب رمـوزجاكـم مـن العلـم برقـيـه






وسلامتكم

[رجل يحترم النسا]

((((سلمت ثـم همهمـوا بلغـوزماوحيـت ترحيـب وتحيـه
قلت العوايد ذهـب وكنـوزويـن السلـوم الخليجـيـه؟
قالوا لي ابليز منهـا جـوزبـلـى عـوايـد بـدائـيـه
خلك شبابـي ومعنـا فـوزبرحـلات بـرٍ حضـاريـه))))

قاتل الله التخلفhttp://jessicaa.jeeran.com/CEDStea_Animation%203.GIF

إذا يحسب الواحد أنه المتقدم وهو المتخلف
يحسبون أنهم يحسنون صنع

هولاء أشبه بالورود http://jessicaa.jeeran.com/ayelflo.gif
من الجلوس أصبحوا عاجزون
وعند أول ريح يقتلعون




سلم الله يمناك ولا عدمناك

والله يهدينا والجميع :)

[نبع الوفاء]

يعطيك ربي العافية ..

على ادراجك هذه القصيدة ...

الواضحه في معانيه ..

فهي هوائه يعشقها الكثيرون ...

أسال الله أن يحفظهم في كل مكان ...

لك ازكي تحية ..