المساعد الشخصي الرقمي

مشاهدة النسخة كاملة : فقير وعندي المال الكثير


 


احمد الشراري
11 - 9 - 2003, 03:32 PM
اليكم هذه الرائعه للشاعر الانسانيه الامير عبدالرحمن بن مساعد


فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طول زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبرٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىا ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجا
من الجحيم الا بأمل عندي وحيد
ان الله غفار ورحيم
ابسألك ياصاحبي عني في وقتها
ماني فقير ؟؟؟

سيف الاسلام
12 - 9 - 2003, 10:53 AM
الاخ الفاضل الهاوي
يعطيك العافية على الابيات الجميلة
تقبل تحياتي

مـــلاك الحــزن
12 - 9 - 2003, 10:29 PM
..الســــــــلام..

قصيـــده اخـــر
رااااائعـــه بأختياارك
لها أخــي ((الهاوي))
من قصاايد شاعري المفضل
((عبــد الرحمن بــن مســاعــــد))


يعطيك العافيه
والمــــزيــــــــــــــد..


..وهلا ومرحبا..

احمد الشراري
15 - 9 - 2003, 02:40 PM
مشكورين على هالتواصل وان شاءالله اقدم لكم اللي يرضيكم