المساعد الشخصي الرقمي

مشاهدة النسخة كاملة : نهايه قصه حب عبر الجوال


 


سيف الاسلام
10 - 9 - 2003, 01:38 AM
دقت على رقم جوال تبي صديقتها منال ...ورد عليها رجال!!! قالتله اووووه ,,ما عليش ...وقالها على ايش؟؟؟ قالت على الإزعاج... قال لا,,ما يحتاج... قالت طيـــب باي... وقعدت تفكر بالجاي... وتقول والله صوته يهبل... خل اتصل مره ثانيه استهبل... على هالصوت,,اكيد انه وسيم... يمكن اقدر اتعرف عليه... ويجي يوم أحط عيني بعينيه... وتتصل اختنا بالله...ويرد وهو يقول,, مساء الورد... هي تقول هاااى,, وهو ينصفق,,كن طايح عليه .......!!! ما هو مصدق هالمسكين... معقوله هذي تبين؟؟ يارب يارب ماتصير غلطانه... وتصير تبي رقم فلانه... ويرد,,, بصوت مرتبك... بكلام ماهو مفهوم مشتبك!!! مسا,,هلا,,مر,,أ أ أ,,والله... وتضحك هي بميانة واحد من الشله... ويضحك هو بعد مثل الابله... وتقوله,,لا تصير مشغول؟؟ ويقول,,لا,,,,,,على طوووووول... وتقول طيب ممكن اتعرف؟؟؟ ويقول اكيد والله اتشرف... وتقول ,,طيب وشسمك؟؟؟ ويرد انا؟؟وتقول اجل امك!!! ويقول,,هههههه انا سامي... وتقول عاشت الاسامي... ويقولها ,,,طيب انتي ...اسمك لاهنتي... وتقول,,اناااااا ,,,انا ابتسام... ويقول ,,الله,,اسمك هذا بقلبي وسام... وتمر ايام ورا ايام... وتسأله ,,,كيف شكلك؟؟؟ ويسكت شوي,,,,ام م م كيف اوصفلك... انا ماني طويل ولا قصير... وسط ان صح التعبير... ماني سمين ولا نحيف... وفيني سمار على خفيف... وتقول,,طيب اوصف ملامحك... ويقول,,,ام م م تبين اصارحك... شفتي مين,,مين,,ايه شفتي طلال الرشيد؟؟ وفرحت وقالت,,ايييييه,,, قال مره قالّي سعيد...اني اشبهه شوي... واني كل ماشفته,,على طول انت تطري علي... ما ادري,,,بس احسّه يجاملني... قالت لا ما اعتقد,,,بس انتبه تتجاهلني... قال وش دعوه...قالت ايه هذي الهقوه... ويقولها طيب,,انتي كيف شكلك؟؟ وتقوله ,,لما تشوفني بتعرف التوصيف... قال,,اشوفك!! هو انا بشوفك؟؟ قالت,,طبعا ,,والا ماتسمح ظروفك؟؟ ويتواعدون في مكان... وحددوا الزمان... وتسأله,,وش نوع السياره؟؟ ويقول,,آآآه,,خساره... ال بي أم حقي راح تشليح...بحادث اقشر,, وماله تصليح... بس الحين معي سياره تمشي الحال... عن القيل والقال...كرسيدا بيضا,,, قالت بدون نفس,,,طيّب... رح بكره للمكان وخلك قريّب... من محل آيسكريم... بس انتبه تناظر للحريم... وتجي لموعدها... تبي تشوف فارسها...ومن بعيد,,, تشوفه مدعي الزين... وعععععععععععع,,,طلع شين... قصير وأسمر ودب... لا,,,والكرسيدا عليه تخب.. .قال مين؟؟قال طلال... بسم الله عليه من هالاشكال... اهووووه بس,,رجعنا... الظاهر ان صوته خدعنا... ويقعد ينتظر وينتظر... وتمر دقايق وساعات والظاهر شهر... ويرجع بعد طول انتظار... ما يدري وش اللي صار ...ويتصل عليها... وهو رايح فيها ...الو,,ابتسام... ابتسام!!! ,,اقول بلا اوهام... ولا عاد تتصل مره ثانيه ارجوك... ياخي وابوك انساني,,الله يرحم امك ...ويقول,,طيب قوليلي وش فيك؟؟؟ تكلمي الله يهديك...ليش ما جيتي؟؟؟ للوعد اللي عطيتي... قالت,,,بصراحه ما قدرت اطلع... عيّت امي وهاوشتني وقعدت عليّ تلعلع... تعرف تخاف علي,,وتبي مصلحتي... وبعدين بصراحه,,, ..... الاسبوع الجاي خطبتي
والــــــــــــــــــلـــــــــــــــــــه يعين المسكين

مـــلاك الحــزن
10 - 9 - 2003, 01:58 AM
...أعوذ باللـــه...
قال ايش يشبه ((طلال الرشيد))..

لا ((عبدالرحمن بن مسااعد))ولاة((سعد علوش))
بعد..بس الظااهر ما خطر علي باااله!!!...
........................................
والله نااااس
ملياانه اوهاااام..
مع هذا وذااك..
ومع ظروف ومشااكل ايتاااام..

يهمهم الوساااامه..
وين القلب والغيرة بدين والشهاااامه..!!
.................................................. ....
!!!!...


..الســـلام..

يعطيك العافيه اخوي
((سيف الاسلام))::

قصه ابخااطرة
جميلـــه..
المـــزيد..

وهلا ومرحبا..

سيف الاسلام
10 - 9 - 2003, 02:57 AM
الاخت الفاضلة ملاك الحزن
هذا هو الواقع فالفراغ واهمال الاهل يؤدي الي قصص مثيلة لهذة القصة
شكرا لمرورك وتعليقك
تقبلي تحياتي

البحر
10 - 9 - 2003, 11:47 AM
ماهذا الابداع ياسيف الاسلام
جميل ان ان الحب انتهى هكذا قبل يطيح الفاس بالراس
وجميل ان يتبين ان الهاتف ليس للاستهبال وتقضيت وقت الفراغ
ومو كل مره تسلم الجره




لقد ا ستمتعت بها وهي تحكي حال كثير من الناس اذا اتصلت عليه بنت ولو غلطانه قاااااااااااااااااااااااال بس هذه ( من المعاكسات )




ولابد من التوعيه اكثر للبنات من هذا الداء والتجرءعلى سماعة الهاتف

ولا حول ولا قوة الا بلله

سيف الاسلام
10 - 9 - 2003, 01:41 PM
الاخ الفاضل البحرررررررررررررررالعذب
نعم لقد اصيت كبد الحقيقة وهي ان البعض يستعمل الهاتف للعب والتسلي
وهذا يؤدي الي نتايج نهايتها لاتحمد عواقبها
شكرا لمرورك وتعليقك
تقبل تحياتي