المساعد الشخصي الرقمي

مشاهدة النسخة كاملة : شبيه الريح


 


احمد الشراري
29 - 7 - 2003, 03:12 PM
الى جميع أعضاء المنتدى تحية مباركه وبعد

شبيه الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبيه الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبيه الريح
أنا مقدر أكدر صفوك العاصف
شبيه الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبيه الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبيه الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبيه الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبيه الريح
أنا ودي أكدر صفوك العاصف
شبيه الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبيه الريح
كيف أسألك : وش باقي ؟
وأنا الباقي من إحساسي
ذرته الريح

شعر
الامير عبدالرحمن بن مساعد

منبـع الثلـج
31 - 7 - 2003, 12:27 AM
! http://rawanbrn.jeeran.com/catrose.gif


جميلة هذه الابيات

و اجمل منها قائلها

والاجمل منها انت لانك كاتبه

مـــلاك الحــزن
31 - 7 - 2003, 12:33 AM
.....قصيده.....
راااااائعه ....
من القصااااايد المفضله عندي..



يعطيك العاااافيه...
والمزيــــد..




,,,وهلا ومرحبا...

احمد الشراري
31 - 7 - 2003, 11:13 AM
الاخ منبع الثلج والاخت ملاك الحزن من كل قلبي اشكركم على هذا التواصل المستمر وابشرو بالجديد والف شكر لكم