ادخل ..... اضحك ......

[عاشق الاسلام]

بسم الله الرحمن الرحيم
السلام عليكم و رحمة الله و بركاته

( 1 )

مغازلجي ذكي جداً (تمساااااح)


كانت في بنت تتسوق مع اخواتها الصغار
وكان المغازلجي ذاك اليوم متكشخ وحاط الغتره والعقال ولا نسى دهن العود وسماعة البلوتوث علشان تكمل الدعوه

والمغازلجي ماقصر وراهم من مكان لمكان
لدرجة ان صار يقول الفاظ غير لائقه من غزل وغيره

فالبنت الي كان يلاحقها طفشت من حركاته وملاحقته
نزلت عليه بانواع السب والشتم ..

" وشاف الناس بدو يلتفتون علييه والعرق بدا يتصبصب منه اربع اربع "

المغازلجي بهاللحظه حس انه اكل تبن وبروح فييها مع الهيئه والسكيورتي
وفكر كييف يخلص نفسه من الورطه " الظاهر شكله خاف من السكيورتي"

قام المغازلجي وضرب البنت على وجهها كف .... وقاالها انتي
طالق

طالق

طالق


وطنشهم وبدا يمشي بسرعه كأنه يبي يطلع من المركز

وكان مع البنت اخواتها الصغار
الناس صدقت انه زوجها
هي من القهر منه ضلت تبكي وكانت ردة فعلها
قالتله ( انت تطلقني) بصوت عالي
هي الي قصدته انت من تكون عشان تطلقني ؟!
لكن الناس فهموا ان هذا زوجها وصاروا الناس يهدونها
ويقولون لها حرام عليكم وين يروحون الأطفال


والله مغازلجي قصدي تمساح مو سهل
و عليـــــــــــــــه حركات عجيييييييبه هههههههههاي

تحيااااااااااااااااااتي

[عاشق الاسلام]

( 2 )


أطول نكتة بالعالم..

سأل جمال صديقة الذي لم يره منذ زمن بعيد:
-هاه..ش الأخبار؟
-زي الزفت..
-أفا..
-أنا تزوجت..
-عظيم..
-لكنها عجوز..
-أفا..
-عندها 10 مليون..
-عظيم..
-بس بخيله..
-أفا..
-عندها قصر فيه خمسين غرفة..
-عظيم..
-بس مقفوله..
-أفا..
-نسكن في القصر..
-عظيم..
-بس ننام في الصاله..
-أفا..
-سجلت القصر باسمي..
-عظيم..
-بس القصر أحترق..
-أفا..
-العجوز أحترقت فيه..
-عظيم..
-الفلوس أحترقت معاها..
-أفا..
-بس القصر مؤمن عليه..
-عظيم..
-التأمين كشفوا إني حارقه..
-أفا..
-بس مالقوا دليل..
-عظيم..
-لكن ماحصلت تعويض..
-أفا..
-وأنا مبسوط..
-عظيم..
-بس مفلس..
-أفا..
-وأبغى مساعده..
-أفا..
-عطني سلف..
-...أفا...أفا...أفا

تحياااااااتي لكم ان شاء الله تكونون فهمتوهااا واعجبتكم

[عاشق الاسلام]

( 3 )


يوميات مدرس علوم .... لا تفوتك !!!!!

صويلح من الطلبة المهملين الأغبياء الذين عادة ما يتلطمون ويجلسون في آخر الفصل ، والأستاذ سعد مدرس العلوم متحمس ويشرح لهم عن فوائد الحليب .
وجه الأستاذ بعض الأسئلة لصويلح..

الأستاذ سعد : يا صويلح ، كيف تحافظ على اللبن من الفساد ؟

صويلح : نخليه في البقرة يا أستاذ .

الأستاذ سعد : طيب هات ثلاثة أنواع من منتوجات الحليب .

صويلح : جبن مثلث ، وجبن قوالب ، وجبن سايل .

يلتفت الأستاذ سعد إلى فهد في الزاوية الثانية من الفصل .

الأستاذ سعد : وأنت يا فهد ، قل لي من وين نستخرج السكر ؟

فهد : من الخيشة يا أستاذ .

الأستاذ سعد : طيب كيف تثبت أن الأشياء تتمدد بالحرارة وتنكمش بالبرودة ؟

فهد : مثلاً .. اليوم في الصيف أطول من اليوم في الشتاء .

الأستاذ سعد : إجلس الله يصلحك ، وتابع معي .

الأستاذ سعد : اسمعوا ، أحسن واحد في الفصل هو الطالب سعيد .

يا سعيد : ما ذا فعل " جيمس وات " عندما رأى البخار يخرج من الغلاية ؟

سعيد : أكيد سوى شاهي .

احمر وجه الأستاذ سعد وظهرت علامات الغضب .


لما أحس نويصر أن الأستاذ زعلان وغاضب قال عندي لك يا أستاذ نكتة بتوسع صدرك ، قال له الأستاذ سعد : عطناها يا نويصر .

قال نويصر : فيه مدرس علوم رزقه الله بولدين توأم سمى واحد ( أول أكسيد الكربون ) وسمى الثاني ( ثاني أكسيد الكربون ) .

الأستاذ سعد : طيب يا نويصر ، عندي لك سؤال قبل ما أكتب استقالتي .

نويصر : تفضل يا أستاذي الكريم .

الأستاذ سعد : هل يستطيع الناس العيش على الأرض بدون أوكسجين .

نويصر : طبعاً لا يمكن .

الأستاذ سعد : ( فرحاً ) ممتاز .. صفقوا له .. طيب متى اكتشف الأوكسجين ؟

نويصر : اكتشف عام 1773 م .

الأستاذ سعد : ممتاز جداً ، صفقوا له .

نويصر : لكن سؤالي يا أستاذ .. كيف كان الناس يتنفسون قبل هذا التاريخ ؟

وبعد أن سمع الأستاذ سعد سؤال نويصر ( أذكى طالب في الفصل ) بدأ يجمع أوراقه ، وتوجه إلى غرفة المدير ، وقدم استقالته .

وهو الآن يبيع لقاح نخل في الحراج
وعايش في سعادة وراحة بال ولله الحمد

تحياااااااتي لكم

[عاشق الاسلام]

( 4 )


اغبى خمسة اسئله بالعااااااااالم ((((( اجوبة عجيبه )))))

هذي قصة واحد غبي اشترك في مسابقه جائزتها مليون دولار كااااااااااش

.
.
.
.
.
.
.
.
.
.
.
.
.
.
.بدأت المسابقه بالسؤال الاول ؟؟؟!!!



ياريت تمسكو اعصابكم للاخير كلها خمسة اسئله خفيفه على المعده


س1/ كم أستمرت حرب المائة عام ؟؟؟؟
-116


-99


-1**



-150



صاحبنا فكر كثير واختار انه يحذف السؤال وقال وش رايكم حرب المائة عام كم بتكون يعني ( وبغى ينسحب )


نو بروبلم نشوف السؤال التاني


س2/ اين تصنع قباعات بنما ؟


- البرازيل


- تشيلي


- بنما


- الاكوادور


صاحبنا اختار انه يتصل بصديق واتصل على ( مرعي ) خوية الروح بالروح وماخذ فيه مقلب انه دافور وهو من جنبها


السؤال الثالث

س3/ في اي شهر يحتفل الروس بثورة اكتوبر ؟؟؟


- اكتوبر


- يناير


- سبتمبر


- نوفمبر


ما عرف طبعا واخذ راي الجمهور هالمره . استحملوا باقي سوالين بس


س4/ اي من هذه الاسماء هو أسم الملك جورج السادس ؟؟؟


- جون

- البرت


- جورج

- مانويل

طلب حذف اجابتين وتوصل للإجابه بصعووووووبه

معلش يالربع ناخذه على قد عقله للنهاية ونشوف


السؤال الاخير
س5/ ماهو الحيوان اللذي اشتق من اسمه اسم جزر الكناري ؟؟؟


- طائر الكناري


- الكنغر


- الجرو


- الفئر

هنا صاحبنا انسحب من المسابقه وما قدر يكمل صلب المخ عنده طبعا ماكان مزيته زين


بس لو واحد يفكر نفسه اذكى من هالغبي يقرا الاجوبه تحت ويشوف مين الغبي!!
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.


جواب السؤال الاول: استمرت حرب المئة عام 116 سنة من عام 1337 وحتى 1453

جواب السؤال الثاني : قبعات بنما تصنع في الاكوادور


جواب السؤال الثالث: يحتفل الروس بثورة اكتوبر في نوفمبر


جواب السؤال الرابع: الاسم الاول للملك جورج هو البرت


جواب السؤال الخامس: جزر الكناري اخذت اسمها من الجرو... حيث ان اسمها اللاتيني هو Insularia Canaria
والذي يعني جزر الجراء.




الحين مين الغبي ؟؟؟
ههههههههههههههههههه هالمره اذا شفتو واحد غبي لا تضحكون عليه


تحياااااااتي لكم

[عاشق الاسلام]

( 5 )


يوميات طالب راسب

خلص العام الدراسي وطلعت راسب في الامتحان
رجعت البيت وحصلت الاسد منتظرني وهو غضبان
اتاريه عارف بالنتيجه من ابن عمي شحفان
قلت في قلبي: بوريه الدب دومه شغال فتان
عطاني الوالد كفين وبوكس وقال لي: ما في منك فايده انته ولد خربان
تميت بغرفتي فوق سريري ملان
اسمع اغاني ايرانيه لعلي دريان
قلت: شو يقول هذا بعد... والله انه مغني تعبان
قلت لنفسي: اسمع يا ولد روح شغل الكمبيوتر بدون ما يدري ابوك الطفشان
فتحت باب غرفتي وركضت شوي شوي مثل ركضت الفيران
وصلت للكمبيوتر وفتحته وانا اضحك مثل السبلان
قالي الكمبيوتر: يا هلا والله دومك مو شايف خير يا جربان
قلت له: سوي الكونكشن وانته ساكت لسانك طويل ما منه أمان
قالي: عشان ابوك الطيب بسويه لكن انته ولد فسدان
دخلت النت وفتحت على الشات الي بالناس عمران
حصلت اسامي وايد دلوعه سمسومه ونمله ما ناقص الا أشوف عايله خان
جلست ادور وفي النهايه طاحت عيني على وحده مسميه عمرها كهرمان
سويت كليك على اسمها وكلمتها برايفيت .... وقلت لها: يا هلا والله بالرمان
تميت أدعي يا رب ترد على وتكلمني تراني وايد عطشان
نطرت وبعد 5 ثواني حصلت رد صغير وحلو يقول: تسلم لي يا جنتل مان
قلبي دق وطرت من الكرسي مثل الغراب الفرحان
قلت لها: من وين انتي يا زمرد يا فرقدان ؟
ردت على من البلاد العربيه ... وانت يا فلان؟
قلت لها: من بلاد العرب المليانه ظلم وطغيان
قالت لي: صدجت ...والله انك انسان فهمان
قلت لها: شو اسمك وكم عمرك ووين تدرسي ؟؟ اذا بالامكان
بعد هذا السؤال سالت نفسي ..انا شايف خير ولا بعدني جوعان
ردت على وبكل ذوق ...انا اسمي (........) 22 سنه ..جامعيه وانت يا فلان
قلت: أخ هذي اكبر مني وجامعيه بعد وانا بعدني احوس في الثانويه مثل الجربوع العرقان
رديت عليها وقلت: انا اسمي (......) 23 سنه ..واشتغل في مدينه كان
وانا بيني وبينكم ما اعرف شو هذي كان ووين موجوده بس سمعت انه يسوا فيها مهرجان
قالت لي: وشو تسوي يا (......) في كان
قلت لها: الوالد عنده فندق ومخليني مدير عليه وفي الحقيقه الوالد دومه طفشان
قالت لي: على كذا اكيد لفيت أوروبا وانت حيران
قلت لها: انا ما احب اروح الا لندن وباريس مع اني ما رحت الا السودان
قالت لي: اكيد كونت صداقات في وايد بلدان
قلت لها: اتعرفت على كثير بس ما اذكر الا جون وميتران
وانا صراحه ما اعرف الا واحد مأذيني اسمه عصمان
كل يوم يتسلف مني على باله بسوي شركه ألبان
سألتني شو نوع السياره الي تسوقها يا (.......) يا ابن فلان
قلت لها بورش موديل 2**2 وانا ما اسوق الا بيك اب موديل 79 مال ايام زمان وزمان
قالت لي: الله يزيدك من نعيمه كمان وكمان
ما انتظرت ردي وسألتني ....انت مرتبط ولا بعدك عايش في عالم العزوبيه والتوهان
قلت لها: انا وحيد وما في حد يشارك قلبي بالأحزان
قالت لي: انا هنا جنبك ما رحت ولا بروح مكان
رديت عليها وقلت: انا كلني لك قلبا وعقلا ووجدان
قالت لي: ابي اسمع صوتك تراك وايد عجبتني حسيت انك انسان فنان
قلت لها: وانا اكثر لاني صرت بحبك هيمان
بس اخاف تسمعي صوتي وتقولي شو هالطرزان
قالت لي: ولا يهمك انا قابله فيك حتى لو كنت حيوان
عطني رقمك وانا اتصلك خلال ثوان
قلت لنفسي: خلاص البنت ذابت وصار حبي في قلبها مليان
توني بكتب الرقم واحس بهالساطور فوق كتفي غليان
رفعت راسي فوق مثل الاهبل فزعان
ما اشوف الا الاسد جاي لي من عرينه زحفان
قالي يا ملعون يابن الملعون جالس فوق الكمبيوتر مثل البريعصي الهربان
امشي للغرفه بوريك انا بخليك تغني اغنيه كنت نسيان
وهو يسحبني من رقبتي مثل الكلب الصعران
حصلت رساله منها تقول: وينك حبيبي عطني رقمك خليت قلبي ولهان
قلت: مسكينه حبيبتي انا رايح جهنم وهي تحسبني في كان
وما اقول الا آه منك يالشات خليت الناس عايشين في عالم الكذب والخذلان